Google Doodle for FIFA Final 2026 : Google Doodle वर FIFA फायनलचा जल्लोष! अर्जेंटिना विरुद्ध स्पेन अंतिम सामन्यासाठी गुगलकडून खास डुडलची रचना

नवी दिल्ली : फुटबॉल विश्वाचे लक्ष लागलेल्या FIFA World Cup 2026 च्या अंतिम सामन्याच्या पार्श्वभूमीवर Google ने आपल्या होमपेजवर खास Google Doodle साकारत अर्जेंटिना आणि स्पेन या दोन्ही संघांना अनोखी मानवंदना दिली आहे. आज (१९ जुलै) होणाऱ्या विश्वचषक अंतिम सामन्याच्या निमित्ताने गुगलने साकारलेले हे डूडल जगभरातील फुटबॉलप्रेमींचे लक्ष वेधून घेत आहे. (Google Doodle for FIFA Final 2026)

डूडलमध्ये स्पेनचा लाल आणि अर्जेंटिनाचा आकाशी निळा रंग आकर्षक पद्धतीने दाखवण्यात आला आहे. तसेच Google या शब्दातील दोन 'O' च्या जागी फुटबॉल आणि दोन्ही अंतिम फेरीतील संघांचे अधिकृत चिन्ह (क्रेस्ट) दाखवण्यात आले असून, अंतिम सामन्याचा उत्साह अधोरेखित करण्यात आला आहे.

FIFA World Cup 2026 : अंतिम सामन्यात अर्जेंटिना-स्पेन आमने सामने; ९६ वर्षांनंतर स्पॅनिश भाषिक देशांमध्ये ऐतिहासिक फायनल सामना

न्यू जर्सी : फिफा विश्वचषक २०२६ च्या अंतिम सामन्यात स्पेन आणि अर्जेंटिना यांच्यात लढत होणार आहे. हा सामना केवळ विजेतेपदासाठी नाही, तर भाषा, संस्कृती ...

संपूर्ण स्पर्धेत Google चे फुटबॉलप्रेम :

यंदाच्या FIFA विश्वचषकादरम्यान Google ने अनेक आकर्षक आणि सर्जनशील डूडल्स सादर केले आहेत. फुटबॉलमधील प्रसिद्ध कौशल्यपूर्ण चाली आणि ऐतिहासिक क्षणांना या डूडल्समधून विशेष स्थान देण्यात आले. (Google Doodle for FIFA Final 2026)

फ्रान्ससाठीही दिल्या होत्या शुभेच्छा :

१४ जुलै रोजी फ्रान्सच्या उपांत्य फेरीच्या सामन्यादिवशी Google ने फ्रान्समध्ये विशेष डूडल प्रदर्शित केले होते. विशेष म्हणजे त्याच दिवशी फ्रान्सचा राष्ट्रीय दिवस 'बॅस्टिल डे' असल्याने त्या डूडलमधून फ्रेंच संघाला शुभेच्छाही देण्यात आल्या होत्या. (Google Doodle for FIFA Final 2026)

FIFA FINAL | मुंबईतील फुटबॉल चाहत्यांचा निकाल! अर्जेंटिना की स्पेन? कोण उचलणार विश्वचषक?

मुंबई : एका ऐतिहासिक महामुकाबल्यासाठी संपूर्ण जग सज्ज झाले आहे. मेटलाइफ स्टेडियममध्ये होणारा फिफा विश्वचषक २०२६ चा अंतिम सामना म्हणजे केवळ एक खेळ ...

फुटबॉलमधील प्रसिद्ध स्किल्सना डूडलमधून सलाम :

२ जुलै रोजी Google ने 'The Art of Step Over' (Pedalada) या नावाने डूडल सादर केले होते. या डूडलमधून फुटबॉलमधील प्रसिद्ध ड्रिब्लिंग तंत्राचे दर्शन घडवण्यात आले. याशिवाय स्पर्धेदरम्यान Nutmeg, Rabona, Elastico आणि Scorpion Kick यांसारख्या जगप्रसिद्ध फुटबॉल कौशल्यांवर आधारित अनेक डूडल्सही Google ने सादर केले. (Google Doodle for FIFA Final 2026)

फुटबॉल चाहत्यांसाठी खास पर्वणी :

Google चे हे विशेष डूडल केवळ अंतिम सामन्याचा उत्सव नसून, फुटबॉलच्या समृद्ध परंपरेला आणि खेळाडूंच्या अप्रतिम कौशल्याला दिलेली अनोखी सलामी मानली जात आहे. अर्जेंटिना आणि स्पेन यांच्यातील महामुकाबल्यापूर्वी Google च्या या सर्जनशील उपक्रमामुळे जगभरातील फुटबॉलप्रेमींचा उत्साह आणखी वाढला आहे. (Google Doodle for FIFA Final 2026)

 

View this post on Instagram

 

A post shared by Prahaar Newsline (@prahaarnewsline)