पुणे : पुणेकरांसाठी महत्त्वाची बातमी, उद्या म्हणजेच रविवारी १९ जुलै रोजी भगवान जगन्नाथ रथयात्रेनिमित्त शहरातील प्रमुख रस्त्यांवरील वाहतुकीत तात्पुरते बदल करण्यात आले आहेत. त्यामुळे दुपारी ३ ते रात्री ८.३० या वेळेत प्रवास करणाऱ्या नागरिकांनी घराबाहेर पडण्यापूर्वी वाहतुकीतील बदल आणि पर्यायी मार्गांची माहिती घेण्याचे आवाहन पुणे वाहतूक पोलिसांनी केले आहे. (Pune Jagannath Rath Yatra 2026)
'या' मार्गावरून निघणार भव्य रथयात्रा :
भगवान जगन्नाथाची रथयात्रा उद्या दुपारी ३ वाजता एस. पी. महाविद्यालय येथून सुरू होईल. त्यानंतर टिळक रस्ता, बाजीराव रस्ता, शनिपार चौक, नगरकर तालीम, रमणबाग शाळा, ओंकारेश्वर मंदिर, बालगंधर्व रंगमंदिर, जंगली महाराज रस्ता, खंडुजीबाबा चौक आणि टिळक चौक मार्गे पुन्हा एस. पी. महाविद्यालय येथे यात्रेची सांगता होईल. (Pune Jagannath Rath Yatra 2026)
बीड : देशभरात NEET परीक्षेच्या पारदर्शकतेवर पुन्हा एकदा गंभीर प्रश्नचिन्ह निर्माण झाले आहे. बीड जिल्ह्यातील वडवणी येथील ज्ञानेश्वरी पवार या ...
'या' रस्त्यांवर होणार वाहतुकीत बदल :
रथयात्रेच्या पार्श्वभूमीवर टिळक रस्ता, बाजीराव रस्ता आणि लक्ष्मी रस्ता परिसरातील वाहतूक परिस्थितीनुसार वळवण्यात येणार आहे. गर्दी आणि वाहतूक कोंडी टाळण्यासाठी वाहनचालकांनी या मार्गांवर जाणे शक्यतो टाळावे आणि पर्यायी मार्गांचा वापर करावा, असे आवाहन करण्यात आले आहे. (Pune Jagannath Rath Yatra 2026)
Nashik Simhastha Kumbhmela : नाशिकमध्ये होणाऱ्या आगामी नाशिक-त्र्यंबकेश्वर सिंहस्थ कुंभमेळ्याच्या पार्श्वभूमीवर शहरात विकासकामे सुरु आहे. अशातच राज्य सरकारने ...
वाहतूक पोलिसांचे नागरिकांना आवाहन :
वाहतूक उपायुक्त डॉ. संदीप भाजीभाकरे यांनी सांगितले की, रथयात्रेदरम्यान वाहतूक सुरळीत राहावी यासाठी विशेष नियोजन करण्यात आले आहे. नागरिकांनी वाहतूक पोलिसांना सहकार्य करावे आणि शक्यतो पर्यायी मार्गांचा वापर करून प्रवासाचे नियोजन करावे. रविवारी शहरातील मध्यवर्ती भागात जाण्याचा विचार करत असाल, तर ट्रॅफिकमध्ये अडकण्यापेक्षा आधीच पर्यायी मार्ग निवडून वेळ आणि त्रास दोन्ही वाचवा. (Pune Jagannath Rath Yatra 2026)
