मुंबई : बॉलिवूड अभिनेता आमिर खाननं (Aamir Khan) ‘3 इडियट्स’ (3 Idiots) चित्रपटातील ‘रँचो’ (Rancho) हे पात्र प्रसिद्ध शास्त्रज्ञ सोनम वांगचुक (Sonam Wangchuk) यांच्यावर आधारित असल्याच्या चर्चांवर अखेर स्पष्टीकरण दिलं आहे. ‘फुंसुक वांगडू’ (Phunsukh Wangdu) आणि सोनम वांगचुक यांचा थेट संबंध नसल्याचं आमिर खाननं स्पष्ट केलं आहे.
'3 इडियट्स'मधील रँचो सोनम वांगचुक यांच्यावर आधारित नव्हता
सोनम वांगचुक सध्या दिल्लीतील (Delhi) जंतर-मंतरवर (Jantar Mantar) उपोषण (Hunger Strike) करत आहेत. त्यांच्या आंदोलनामुळे आणि ढासळलेल्या प्रकृतीमुळे अनेक क्षेत्रातील मान्यवरांनी चिंता व्यक्त केली आहे. याच पार्श्वभूमीवर ‘3 इडियट्स’ चित्रपटातील रँचो हे पात्र सोनम वांगचुक यांच्यावर आधारित असल्याची चर्चा पुन्हा सुरू झाली. मात्र, आमिर खाननं या चर्चांना पूर्णविराम दिला आहे. ब्रिटिश फिल्म इन्स्टिट्यूट (British Film Institute) येथे झालेल्या कार्यक्रमात त्याला याबाबत प्रश्न विचारण्यात आला होता.
मुर्शिदाबाद : पश्चिम बंगालच्या मुर्शिदाबाद (Murshidabad) जिल्ह्यात शुक्रवारी सकाळी भीषण रेल्वे अपघात (Train Accident) झाला. बरहमपूर (Berhampore) परिसरात प्रवासी ट्रेनने (Passenger ...
यावेळी आमिर खान म्हणाला, “हा एक गैरसमज आहे. आम्ही ‘3 इडियट्स’ (3 Idiots) बनवत असताना मला सोनम वांगचुक यांच्याबद्दल काहीही माहिती नव्हती. राजकुमार हिरानी (Rajkumar Hirani), लेखक अभिजात जोशी (Abhijat Joshi) किंवा मलाही त्यांच्याबद्दल माहिती नव्हती.”
🚨 REPORTER : Your film was inspired by Sonam Wangchuk. He is on fast.
AAMIR KHAN 🔥🔥 : No, the character in 3 Idiots had nothing to do with Sonam Wangchuk. We didn't even know about him when we were shooting the film. Aamir stuns CJP 😭😂🔥 pic.twitter.com/QaLS5AIf6p — News Algebra (@NewsAlgebraIND) July 16, 2026
"सोनम वांगचुक यांच्या कामाचा आदर करण्यासाठी पात्र त्यांच्यावर आधारित असण्याची गरज नाही" आमिर खाननं पुढे सांगितलं की, सोनम वांगचुक यांचं काम अत्यंत प्रेरणादायी (Inspirational) आहे. त्यांच्या कार्याचा सन्मान करण्यासाठी ‘3 इडियट्स’मधील पात्र त्यांच्यावर आधारित असण्याची गरज नाही. “सोनम वांगचुक यांनी स्वतः यापूर्वी स्पष्ट केलं आहे की, चित्रपटातील पात्र त्यांच्यावर आधारित नव्हतं. मला फक्त वस्तुस्थिती (Fact) स्पष्ट करायची होती,” असं आमिर खान म्हणाला. दरम्यान, ‘3 इडियट्स’मध्ये आमिर खाननं साकारलेलं रँचो हे पात्र आजही प्रेक्षकांच्या मनात लोकप्रिय आहे. मात्र, आता स्वतः आमिर खाननं या पात्राचा आणि सोनम वांगचुक यांचा संबंध नसल्याचं स्पष्ट केलं आहे.
