बर्मिंगहॅम : भारताने इंग्लंडविरुद्धच्या तीन सामन्यांच्या वनडे मालिकेची विजयी सुरुवात करत पहिल्या सामन्यात ६ विकेट्सने दमदार विजय मिळवला. अष्टपैलू अक्षर पटेलच्या शानदार कामगिरीच्या जोरावर टीम इंडियाने १-० अशी आघाडी घेतली. मात्र, या विजयाला शुभमन गिलच्या दुखापतीचं गालबोट लागलं असून दुसऱ्या वनडेसाठी त्याच्या फिटनेसबाबत चिंता वाढली आहे. (IND vs ENG 1st ODI)
टॉस जिंकून प्रथम फलंदाजी करणाऱ्या इंग्लंडचा डाव भारताच्या गोलंदाजांनी सुरुवातीपासूनच विस्कळीत केला. १०७ धावांत ६ फलंदाज बाद झाल्यानंतर जो रूट (७६)* आणि लियाम डॉसन (६८) यांनी १२१ धावांची भागीदारी करत इंग्लंडला २५८ धावांपर्यंत मजल मारून दिली. भारताकडून अक्षर पटेलने ४ विकेट्स घेत इंग्लंडच्या फलंदाजीला मोठा धक्का दिला. (IND vs ENG 1st ODI)
FIFA World Cup 2026 : FIFA World Cup 2026 च्या पहिल्या सेमी फायनल (Semi Final) सामन्यात युरोपियन चॅम्पियन स्पेनने (Spain) फ्रान्सचा (France) २-० असा पराभव करत दिमाखात फायनल (Final) गाठले. स्पेनच्या ...
२५९ धावांच्या लक्ष्याचा पाठलाग करताना भारताची सुरुवात चांगली झाली. शुभमन गिलने ७५ चेंडूत ८० धावांची शानदार खेळी केली. त्याने ११ चौकार आणि १ षटकार लगावत भारताचा डाव सावरला. मात्र, फलंदाजीदरम्यान त्याला क्रॅम्पचा त्रास जाणवू लागल्याने अखेर त्याला रिटायर्ड हर्ट होऊन मैदान सोडावे लागले. यानंतर भारताची अवस्था १६०/४ अशी झाली होती. अशा वेळी अक्षर पटेल (५७)* आणि वॉशिंग्टन सुंदर (५२)* यांनी नाबाद १०२ धावांची भागीदारी करत भारताला ४५.२ षटकांत विजय मिळवून दिला. (IND vs ENG 1st ODI)
शुभमन गिलच्या फिटनेसची चिंता :
भारताने सामना जिंकला असला तरी शुभमन गिलची (Shubhaman Gill) दुखापत टीम मॅनेजमेंटसाठी चिंतेचा विषय ठरली आहे. गिलला यापूर्वीही क्रॅम्प आणि दुखापतीमुळे महत्त्वाचे सामने अर्धवट सोडावे लागले आहेत. त्यामुळे १६ जुलै रोजी कार्डिफ येथे होणाऱ्या दुसऱ्या वनडेत तो खेळणार का? याकडे सर्व क्रिकेटप्रेमींचे लक्ष लागले आहे. (IND vs ENG 1st ODI)
Birmingham : भारत आणि इंग्लंड यांच्यातील तीन सामन्यांच्या वनडे मालिकेतील पहिल्या सामन्यात इंग्लंडने भारतीय गोलंदाजांना चांगलीच झुंज दिली. एका वेळी अवघ्या ...
पहिल्या वनडेचा संक्षिप्त स्कोअर :
इंग्लंड : २५८ (४७.५ षटके) भारत : २६२/४ (४५.२ षटके)
IND vs ENG ODI मालिकेचे उर्वरित वेळापत्रक :
१६ जुलै २०२६ – दुसरी वनडे, सोफिया गार्डन्स, कार्डिफ (सायं. ५:३०) १९ जुलै २०२६ – तिसरी वनडे, लॉर्ड्स, लंडन (दुपारी ३:३०) (IND vs ENG 1st ODI)
