जळगाव : राज्यातील शेतकऱ्यांच्या मागणीचा विचार करून किमान आधारभूत किमतीअंतर्गत ज्वारी खरेदीची अंतिम मुदत ३१ ऑगस्ट २०२६ पर्यंत वाढविण्यात आली आहे. केंद्र व राज्य शासनाच्या या निर्णयामुळे शेतकऱ्यांना किमान आधारभूत किमतीवर (एमएसपी) ज्वारी विक्रीची आणखी संधी उपलब्ध झाली आहे. ज्वारी खरेदीस मुदतवाढ मिळावी, यासाठी महाराष्ट्र राज्य सहकारी पणन महासंघाचे अध्यक्ष रोहित निकम, संचालक मंडळ व प्रशासनाने राज्य आणि केंद्र शासनाकडे सातत्याने पाठपुरावा केला होता. या पाठपुराव्यानंतर ज्वारी खरेदीस ३१ ऑगस्ट २०२६ पर्यंत मुदतवाढ देण्यात आली आहे.
Sangamner Crime News : संगमनेर तालुक्यातील एका गावात एका १५ वर्षीय अल्पवयीन मुलीचा गैरफायदा घेऊन तिच्यावर बळजबरीने अत्याचार केल्याची धक्कादायक घटना उघडकीस आली ...
राज्याचे मुख्यमंत्री देवेंद्र फडणवीस, पणन मंत्री जयकुमार रावळ, जलसंपदा व आपत्ती व्यवस्थापन मंत्री गिरीश महाजन आणि वस्त्रोद्योग मंत्री संजय सावकारे यांच्या मार्गदर्शनाखाली पणन महासंघाने केंद्र शासनाकडे याबाबत विशेष विनंती केली होती. केंद्र शासनाने ही विनंती मान्य केली असून, यासंदर्भातील अधिकृत आदेश प्रसिद्ध करण्यात आले आहेत. खरेदी प्रक्रिया राबविताना केंद्र शासनाच्या पत्रातील सर्व अटी व शर्तींचे काटेकोर पालन करणे बंधनकारक राहील, अशी माहिती जिल्हा पणन अधिकारी एस. एस. मेने यांनी दिली. (Devendra Fadnavis)
कौशल्य विकास विभागाचा निर्णय; जागतिक युवा कौशल्य दिनी 'महाराष्ट्राचा स्किल फर्स्ट' पॅटर्न जाहीर मुंबई : आगामी सिंहस्थ कुंभमेळ्याच्या पार्श्वभूमीवर ...
यंदा राज्यात ज्वारीच्या लागवड क्षेत्रात वाढ झाल्याने उत्पादनातही मोठी वाढ झाली आहे. मात्र, खुल्या बाजारातील ज्वारीचे दर घसरल्याने शेतकऱ्यांना आर्थिक नुकसानीचा सामना करावा लागत आहे. अनेक ठिकाणी किमान आधारभूत किमतीपेक्षा कमी दराने ज्वारी विक्री करावी लागत असल्याच्या तक्रारी समोर आल्या होत्या. या मुदतवाढीमुळे शेतकऱ्यांना शासकीय दराचा लाभ मिळण्यास मदत होणार आहे. शेतकऱ्यांनी खुल्या बाजारातील कमी दरामुळे घाबरून न जाता शासनाने जाहीर केलेल्या किमान आधारभूत किमतीवर ज्वारी विक्री करावी. राज्यातील शेतकऱ्यांचे आर्थिक नुकसान होऊ नये, यासाठी पणन महासंघ कटिबद्ध असल्याचे महासंघाचे अध्यक्ष रोहित निकम यांनी सांगितले.
