मुंबई : भारताविरुद्धच्या तीन सामन्यांच्या एकदिवसीय मालिकेतील पहिल्या सामन्यासाठी इंग्लंडने आपल्या अंतिम ११ खेळाडूंची घोषणा केली आहे. एडजबॅस्टन येथे होणाऱ्या या सामन्यात इंग्लंडने पुन्हा एकदा सलामीच्या जोडीत बदल करत जेकब बेथेल आणि बेन डकेट यांच्यावर डावाची सुरुवात करण्याची जबाबदारी सोपवली आहे. तसेच भारताच्या मजबूत फलंदाजीला रोखण्यासाठी इंग्लंडने तीन फिरकी गोलंदाजांसह मैदानात उतरण्याचा निर्णय घेतला आहे. (IND vs ENG ODI)
मुंबई : फिफा विश्वचषक २०२६ (FIFA World Cup 2026) आता अंतिम टप्प्यात पोहोचला असून जागतिक क्रमवारीतील अव्वल चार संघांनी उपांत्य फेरीत धडक मारली आहे. या चार संघांचे ...
बेथेलला सलामीची संधी, डकेटचा पाचवा जोडीदार :
इंग्लंड आणि वेल्स क्रिकेट बोर्डाने जेकब बेथेलला सलामीला बढती दिली आहे. विशेष म्हणजे, अलीकडच्या काळात बेन डकेटचा हा पाचवा सलामीचा जोडीदार ठरणार आहे. यापूर्वी फिल सॉल्ट, जेमी स्मिथ, झॅक क्रॉली आणि रेहान अहमद यांनी ही भूमिका पार पाडली होती. डकेटसाठी स्थिर सलामीवीर शोधण्याचा इंग्लंडचा प्रयत्न यामधून स्पष्ट दिसतो. (IND vs ENG ODI)
भारतासाठी फिरकीचे जाळे :
भारताच्या दमदार फलंदाजीला रोखण्यासाठी इंग्लंडने विल जॅक्स, लियाम डॉसन आणि आदिल रशीद या तीन फिरकीपटूंना संधी दिली आहे. वेगवान गोलंदाजांच्या फळीत जोफ्रा आर्चरचे पुनरागमन झाले असून तो जोश टंगसोबत नवी चेंडूची जबाबदारी सांभाळणार आहे. मात्र, गस अॅटकिन्सनला अंतिम संघात स्थान मिळालेले नाही. (IND vs ENG ODI)
लंडन: क्रिकेटची पंढरी मानल्या जाणाऱ्या लॉर्ड्सच्या ऐतिहासिक मैदानावर भारतीय महिला क्रिकेट संघाने नवा इतिहास रचला आहे. तब्बल १४२ वर्षांच्या ...
बटलरसाठी खास सामना :
या सामन्याला इंग्लंडचा अनुभवी यष्टीरक्षक-फलंदाज जोस बटलरसाठी विशेष महत्त्व आहे. भारताविरुद्धचा हा सामना त्याच्या कारकिर्दीतील २००वा एकदिवसीय सामना ठरणार आहे. २०१२ मध्ये पाकिस्तानविरुद्ध पदार्पण केलेल्या बटलरने आतापर्यंत १९९ सामन्यांत ५,५१५ धावा करत ११ शतके आणि २९ अर्धशतके झळकावली आहेत. (IND vs ENG ODI)
भारताविरुद्ध पहिल्या वनडेसाठी इंग्लंडचा प्लेइंग इलेव्हन :
जेकब बेथेल, बेन डकेट, जो रूट, हॅरी ब्रुक (कर्णधार), जोस बटलर (यष्टीरक्षक), सॅम करन, विल जॅक्स, जोफ्रा आर्चर, लियाम डॉसन, जोश टंग, आदिल रशीद