मुंबई : मुंबई (Mumbai) येथील अंधेरी पूर्व परिसरात एका लॉजमध्ये तरुणीचा संशयास्पद मृत्यू (Death) झाल्याची धक्कादायक घटना समोर आली आहे. शालिमार लॉजमध्ये घडलेल्या या घटनेमुळे परिसरात प्रचंड खळबळ उडाली असून पोलीस या प्रकरणाचा कसून तपास करत आहेत.
मुंबई : मुंबईतील मध्य रेल्वे मार्गावर सकाळच्या ऐन गर्दीच्या वेळी एसी लोकलमध्ये झालेल्या तांत्रिक बिघाडामुळे प्रवाशांना मोठा मनस्ताप सहन करावा ...
मिळालेल्या प्राथमिक माहितीनुसार, एक तरुण आणि तरुणी या लॉजमध्ये मुक्कामासाठी आले होते. तिथे त्यांनी जेवणासाठी बिर्याणी मागवली होती. मात्र, बिर्याणी खाल्ल्यानंतर काही वेळातच तरुणीला अचानक उलट्यांचा त्रास सुरू झाला आणि तिची प्रकृती वेगाने बिघडू लागली. हे पाहून तिच्यासोबत असलेल्या तरुणाने घाबरून लॉजमधील कर्मचाऱ्यांकडे मदतीची मागणी केली. लॉज प्रशासनाने या घटनेची माहिती तात्काळ पोलिसांना दिली.
ग्रुप बुकींग असल्यास राज्याच्या कोणत्याही गावातून थेट पंढरपूर पर्यंत बस मिळणार. पंढरपूर :- आषाढी यात्रेच्या सोहळ्यानिमित्त श्री विठ्ठल रुक्मिणी ...
माहिती मिळताच अंधेरी पोलीस ठाण्याचे (Andheri Police Station) पथक तातडीने घटनास्थळी दाखल झाले. पोलिसांनी तरुणीला तातडीने उपचारासाठी रुग्णालयात नेण्याची व्यवस्था केली, परंतु रुग्णालयात पोहोचण्यापूर्वीच तिचा मृत्यू झाला होता. पोलिसांनी तरुणीचा मृतदेह ताब्यात घेऊन तो उत्तरीय तपासासाठी पाठवला आहे. शवविच्छेदन अहवाल आल्यानंतरच मृत्यूचे नेमके कारण स्पष्ट होऊ शकणार आहे.
हा प्रकार प्रेमसंबंधातून घडलेली हत्या आहे, अन्नबाधेतून (Food Poison) झालेला अपघात आहे की यामागे इतर काही कारण आहे, याबाबत अद्याप कोणताही अधिकृत खुलासा झालेला नाही. अंधेरी पोलीस या प्रकरणाचा सर्व बाजूंनी तपास करत असून लॉजमधील कर्मचाऱ्यांची आणि सोबत असलेल्या तरुणाची चौकशी केली जात आहे. पोलीस या मृत्यूचे गूढ उकलण्याचा प्रयत्न करत आहेत.
