Vinayak Raut : विनायक राऊत प्रकरणाला नवे वळण! अटकपूर्व जामिनासाठी धाव, भोंदूबाबा अटकेत; सूनेच्या आरोपांनी खळबळ

मुंबई : उबाठा गटाचे माजी खासदार विनायक राऊत (Vinayak Raut) आणि त्यांच्या कुटुंबीयांवरील कौटुंबिक छळ व जादूटोणाविरोधी कायद्याअंतर्गत दाखल झालेल्या गुन्ह्याला नवे वळण मिळाले आहे. सून गिरीजा राऊत (Girija Raut) यांच्या तक्रारीनंतर विनायक राऊत, त्यांचा मुलगा गितेश राऊत आणि कुटुंबीयांनी न्यायालयात अटकपूर्व जामिनासाठी अर्ज दाखल केला असून, या अर्जावर २३ जुलै रोजी सुनावणी होणार आहे. तोपर्यंत विनायक राऊत आणि गितेश राऊत यांची पोलिसांकडून चौकशी होणार नसल्याची माहिती समोर आली आहे. (Vinayak Raut)

कथित भोंदूबाबा फिरोज शेखला २ दिवसांची पोलीस कोठडी :

गिरीजा राऊत यांच्या तक्रारीनंतर विनायक राऊत, त्यांचा मुलगा गितेश आणि अन्य मिळून सात जणांविरोधात कौटुंबिक छळ तसेच महाराष्ट्र नरबळी, अघोरी प्रथा व जादूटोणा प्रतिबंधक कायद्यांतर्गत गुन्हा दाखल करण्यात आला आहे. या प्रकरणात कथित भोंदूबाबा फिरोज शेख याला पोलिसांनी अटक केली असून न्यायालयाने त्याला दोन दिवसांची पोलीस कोठडी सुनावली आहे. तर आणखी दोन भोंदूबाबांचा पोलीस शोध घेत आहेत. (Vinayak Raut)

सूनेचे गंभीर आरोप :

गिरीजा राऊत यांनी तक्रारीत वैवाहिक आयुष्यात मानसिक आणि शारीरिक छळ झाल्याचा आरोप केला आहे. लग्नानंतर हनिमूनसाठी ऊटीला गेल्यानंतर पती गितेश राऊत यांनी शारीरिक संबंध ठेवण्यास टाळाटाळ केली, सार्वजनिक ठिकाणी अपमानास्पद वागणूक दिली आणि वारंवार मानसिक त्रास दिल्याचा दावा त्यांनी केला आहे. तसेच, वैवाहिक आयुष्यातील समस्यांवर उपाय म्हणून अघोरी विधी आणि जादूटोण्याचा आधार घेतल्याचाही गंभीर आरोप त्यांनी केला आहे. या आरोपांच्या आधारे पोलिसांनी संबंधित कायद्यांतर्गत गुन्हा नोंदवून तपास सुरू केला आहे. (Vinayak Raut)

'फक्त परदेशातच शारीरिक संबंध'चा धक्कादायक दावा :

तक्रारीत गिरीजा राऊत यांनी आणखी एक धक्कादायक दावा केला आहे. ऑस्ट्रेलिया दौऱ्यादरम्यानही पतीने शारीरिक संबंध ठेवण्यास नकार दिला, विरोध केल्यास मारहाण केली आणि "मी फक्त इंटरनॅशनल लोकेशन्सवरच शारीरिक संबंध ठेवू शकतो" असे सांगितल्याचा आरोप त्यांनी केला आहे. या दाव्यांमुळे संपूर्ण प्रकरणाची मोठी चर्चा सुरू झाली आहे. (Vinayak Raut)

America Iran War : अमेरिकेचे इराणवर १४० लक्ष्यांवर भीषण हवाई हल्ले; इराणचाही घातक पलटवार, मध्यपूर्वेत युद्धाचे ढग गडद

अमेरिका आणि इराण यांच्यातील संघर्षाने पुन्हा एकदा धोकादायक वळण घेतले असून, मध्यपूर्वेतील तणाव कमालीचा वाढला आहे. अमेरिकेच्या सेंट्रल कमांडने (CENTCOM) ...

विनायक राऊतांनी आरोप फेटाळले :

दरम्यान, विनायक राऊत यांनी सर्व आरोप फेटाळून लावले आहेत. त्यांनी सांगितले की, गिरीजा आणि गितेश गेली तीन वर्षे वेगळे राहत असून, घटस्फोटाचा खटला न्यायालयात सुरू आहे. २०१८ मधील कथित घटनांची तक्रार २०२६ मध्ये करण्यात आल्याबद्दल त्यांनी प्रश्न उपस्थित केला.

सध्या या प्रकरणाचा तपास सुरू असून, २३ जुलैच्या सुनावणीकडे सर्वांचे लक्ष लागले आहे.

 

View this post on Instagram

 

A post shared by Prahaar Newsline (@prahaarnewsline)