मुंबई (विशेष प्रतिनिधी) : घाटकोपर परिसरातील संत ज्ञानेश्वर मार्ग, पंतनगर येथील पदपथांवर अडथळा निर्माण करणाऱ्या ४ अनधिकृत दुकानांचे आणि ३ वाचनालयांवर मुंबई महानगरपालिकेच्या ‘एन’ विभागाकडून मंगळवारी ३० जून २०२६ रोजी कारवाई करण्यात आली.
सुरक्षित व परवडणाऱ्या घरांसाठी सरकार कटिबद्ध; पुनर्विकास प्रकल्पांना वेग मुंबई : मुंबई आणि उपनगरांतील नागरिकांना सुरक्षित, दर्जेदार आणि परवडणारी ...
संत ज्ञानेश्वर रोड , पंत नगर, घाटकोपर पूर्व येथील रस्त्यावरील आणि पदपथावरील या अनधिकृत दुकाने व वाचनालयांमुळे पादचाऱ्यांना मार्गक्रमण करण्यात अडथळा निर्माण होत असल्याचे निदर्शनास आले होते. त्यानुसार, मंगळवारी येथील ४ अनधिकृत दुकानांचे आणि ३ वाचनालयांचे निष्कासन करण्यात आले. तसेच, अनधिकृतपणे उभारलेले शेड आणि बांधकाम तोडण्यात आल्या. या कारवाईमुळे, परिसरातील पदपथ मोकळा झाला असून पादचाऱ्यांना मार्गक्रमण करणे सोयीचे झाले आहे. अतिरिक्त आयुक्त (पूर्व उपनगरे) डॉ. अविनाश ढाकणे यांच्या निर्देशांनुसार, उपआयुक्त (परिमंडळ-६) संतोषकुमार धोंडे यांच्या मार्गदर्शनात, सहायक आयुक्त (एन विभाग) मारुती पवार यांच्या नेतृत्वात ही कारवाई करण्यात आली. ‘एन’ प्रशासकीय विभाग अंतर्गत विविध विभागातील अधिकारी आणि कर्मचारी यांनी विविध संयंत्रांच्या सहाय्याने ही कारवाई केली. घाटकोपर पोलीस ठाण्याकडून यावेळी पुरेसा बंदोबस्त तैनात होता.
चेंबूरच्या दुर्घटनेत १० विद्यार्थी जखमी, तर एकाचा मृत्यू मुंबई : मुंबईच्या चेंबूर (Chembur) परिसरात मंगळवारी दुपारी शाळेच्या बसवर झाड कोसळल्याची गंभीर ...
