मुंबई : मुंबईतील (Mumbai) वरळी सी लिंकवरून (Worli Sea Link) एका व्यक्तीने समुद्रात उडी घेतल्याची धक्कादायक घटना समोर आली आहे. घटनेची माहिती मिळताच बचाव पथक तातडीने घटनास्थळी दाखल झाले आणि संबंधित व्यक्तीला समुद्रातून बाहेर काढण्यात आले. त्यानंतर त्यांना तात्काळ नायर रुग्णालयात उपचारासाठी नेण्यात आले. मात्र, डॉक्टरांनी तपासणीनंतर त्यांना मृत घोषित केले. (Suicide News)
मृत व्यक्तीची ओळख भावेश मजेडिया (वय ५१) अशी झाली आहे. ते ठाणे येथील रहिवासी असून व्यवसाय करत होते, अशी प्राथमिक माहिती समोर आली आहे.
या घटनेनंतर पोलिसांनी घटनास्थळी पंचनामा करून पुढील तपास सुरू केला आहे. प्राथमिक तपासात आर्थिक तणावातून त्यांनी हे टोकाचे पाऊल उचलल्याचा संशय व्यक्त करण्यात येत आहे. मात्र, आत्महत्येमागील नेमके कारण अद्याप स्पष्ट झालेले नसून पोलिस विविध बाजूंनी तपास करत आहेत.
Nashik Kumbh Mela : आगामी सिंहस्थ कुंभमेळ्याच्या पार्श्वभूमीवर नाशिक महापालिकेचा अग्निशमन विभाग (Nashik Municipal Corporation's Fire Department) अधिक सक्षम आणि सज्ज होणार आहे. आपत्कालीन ...
या घटनेमुळे परिसरात काही काळ खळबळ उडाली होती. पोलिसांकडून मृत व्यक्तीच्या कुटुंबीयांची चौकशी तसेच इतर पुरावे गोळा करण्याचे काम सुरू असून तपासानंतरच या प्रकरणातील संपूर्ण माहिती समोर येणार आहे. मागील काही दिवसांपूर्वी देखील एका तरुणाने वांद्रे सी लिंक वरून उडी मारून आत्महत्या केल्याची घटना होती.
