मुझफ्फरनगर : एकेकाळी क्रिकेटच्या मैदानावर चेंडूने फलंदाजांना सळो की पळो करून सोडणारा, माजी भारतीय क्रिकेटपटू युवराज सिंगसोबत रणजी क्रिकेट खेळलेला वेगवान गोलंदाज 'सतपाल' उर्फ 'सत्तू' याचा प्रवास अखेर गुन्हेगारीच्या अंधाऱ्या दुनियेत संपला आहे. उत्तर प्रदेश पोलिसांनी मुझफ्फरनगरमधील बामनहेरी जंगलात झालेल्या चकमकीत सतपालला ठार केले. गेल्या ३० वर्षांपासून गुन्हेगारी विश्वात दहशत माजवणाऱ्या सतपालच्या अंताने एका धक्कादायक प्रकरणाचा शेवट झाला आहे.
रायगड : अतिवृष्टीमुळे किल्ले रायगडावरील (Raigad Fort) महादरवाजा परिसरात दरड कोसळल्याने किल्ल्यावर जाणारा पायरी मार्ग पर्यटकांसाठी दोन दिवस बंद ठेवण्यात आला ...
क्रिकेटचे मैदान सोडले आणि गुन्हेगारीचा मार्ग धरला
मिळालेल्या माहितीनुसार, १९९६ मध्ये सतपाल पंजाबच्या रणजी संघातून मोहालीकडून वेगवान गोलंदाज म्हणून खेळला होता. मात्र, काउंटी क्रिकेटमध्ये संधी न मिळाल्याने त्याने नैराश्यातून क्रिकेटचे मैदान सोडले आणि गुन्हेगारीकडे वळला. २००१ मध्ये चंदीगडमध्ये पहिल्यांदा गुन्हा दाखल झालेल्या सतपालने मागे वळून पाहिले नाही. पुढे त्याच्यावर दरोडा, खून, बलात्कार आणि खंडणीसारखे गंभीर गुन्हे दाखल झाले. इतकेच नाही, तर तो मुंबईचा कुख्यात गँगस्टर छोटा राजनच्या टोळीतही सामील झाला होता.
गुन्हेगारी कारकिर्दीतील ठळक घटना:
-
युवराज सिंगच्या वडिलांवर हल्ला: सतपालवर माजी क्रिकेटपटू युवराज सिंगचे वडील योगराज सिंग यांच्यावर प्राणघातक हल्ला केल्याचा आरोप होता.
-
पलायन आणि हत्या: ६ फेब्रुवारी रोजी तो लुधियाना पोलिसांच्या कस्टडीतून फरार झाला होता. त्यानंतर त्याने लुधियानामध्ये एका टॅक्सी चालकाची (रवी कुमार) क्रूर हत्या केली होती.
-
राजकीय कनेक्शन: २००७ मध्ये त्याने चंदीगडमधील राम दरबार मतदारसंघातून बसपातर्फे निवडणूकही लढवली होती. एका जाहीर सभेत त्याने तत्कालीन महापौरांवरही हल्ला केला होता.
-
ओळख लपवून वास्तव्य: अटकेपासून वाचण्यासाठी त्याने निवृत्त लष्करी जवानाचे बनावट नाव धारण केले होते.
London : लंडनमध्ये खेळल्या गेलेल्या FIH प्रो लीग 2026 मधील बहुचर्चित भारत-पाकिस्तान सामन्यात भारतीय हॉकी संघाने 4-3 असा रोमांचक विजय मिळवत कट्टर ...
चकमकीचा घटनाक्रम
मुझफ्फरनगरमध्ये सतपालवर २५ हजार रुपयांचे बक्षीस जाहीर करण्यात आले होते. पाच दिवसांपूर्वी एका मुलीचे अपहरण झाल्याच्या प्रकरणासह अनेक राज्यांचे पोलीस त्याचा शोध घेत होते. मुझफ्फरनगर पोलिसांना मिळालेल्या माहितीनुसार, सिव्हिल लाइन्स परिसरातील बामनहेरी जंगलात पोलिसांशी झालेल्या चकमकीत तो गंभीर जखमी झाला. रुग्णालयात उपचारादरम्यान त्याचा मृत्यू झाला. मुझफ्फरनगरचे शहर एसपी अमृत जैन यांनी या चकमकीला दुजोरा दिला आहे.
एकेकाळी मैदानावरील पराक्रमासाठी ओळखला जाणारा हा खेळाडू, चुकीच्या वळणामुळे गुन्हेगारीच्या दलदलीत कसा फसला आणि अखेर त्याचा प्रवास कसा संपला, हे पाहून क्रीडा विश्वातही खळबळ उडाली आहे.
