Lionel Messi (FIFA World Cup 2026) : अर्जेंटिनाचा (Argentina) कर्णधार लिओनेल मेस्सी (Lionel Messi) याने आपल्या कारकिर्दीतील आणखी एक सुवर्ण अध्याय लिहिला आहे. ऑस्ट्रियाविरुद्ध (Austria) झालेल्या फिफा विश्वचषक २०२६ (FIFA World Cup 2026) सामन्यात गोल करत मेस्सीने जर्मनीचा (Germany) दिग्गज मिरोस्लाव क्लोझे (Miroslav Klose) याचा विक्रम मोडला आणि विश्वचषक इतिहासातील सर्वाधिक गोल करणारा खेळाडू बनला.
या सामन्यापूर्वी मेस्सी आणि क्लोझे यांच्याकडे प्रत्येकी १६ गोलांची नोंद होती. मात्र ऑस्ट्रियाविरुद्ध ३८ व्या मिनिटाला गोल करत मेस्सीने १७ वा गोल नोंदवला आणि विक्रम आपल्या नावावर केला. त्यानंतर सामन्याच्या उत्तरार्धात आणखी एक गोल झळकावत त्याने विश्वचषकातील एकूण गोलसंख्या १८ वर नेली.
विश्वचषकातील (World Cup) सर्वाधिक गोल करणारे खेळाडू
१. लिओनेल मेस्सी (अर्जेंटिना) – १८
२. मिरोस्लाव क्लोझे (जर्मनी) – १६
३. रोनाल्डो नाझारियो (ब्राझील) – १५
४. गर्ड म्युलर (पश्चिम जर्मनी) – १४, किलियन एम्बाप्पे (फ्रान्स) – १४
५. जस्ट फॉन्टेन (फ्रान्स) – १३
मेस्सीने सलग सहाव्या विश्वचषक सामन्यात गोल करण्याचाही पराक्रम केला. यामुळे फ्रान्सच्या जस्ट फॉन्टेन आणि ब्राझीलच्या जैरझिन्हो यांच्या सलग सहा विश्वचषक सामन्यांतील गोलांच्या विक्रमाशी त्याने बरोबरी साधली.
Lionel Messi : 'फुटबॉलचा महानायक' GOAT लिओनेल मेस्सी (Lionel Messi) याने पुन्हा एकदा आपल्या शानदार खेळाची झलक दाखवत अर्जेंटिनाला FIFA World Cup 2026 च्या बाद फेरीत पोहोचवले. ...
याआधी अल्जेरियाविरुद्ध (Algeria) झालेल्या स्पर्धेतील पहिल्या सामन्यात मेस्सीने आपल्या कारकिर्दीतील पहिली विश्वचषक हॅट्ट्रिक (Hat-trick) झळकावली होती. देशासाठीच्या २०० व्या वरिष्ठ (Senior) सामन्यात केलेल्या या कामगिरीमुळे अर्जेंटिनाने ३-० असा दणदणीत विजय मिळवला होता.
३८ वर्षे वय असताना विश्वचषकात हॅट्ट्रिक करणारा मेस्सी हा इतिहासातील सर्वात वयोवृद्ध खेळाडू ठरला आहे. त्याने २०१८ विश्वचषकात ख्रिस्तियानो रोनाल्डो (Cristiano Ronaldo) याने नोंदवलेला विक्रमही मागे टाकला. याशिवाय मेस्सीकडे सर्वाधिक विश्वचषक सामने (२८), सर्वाधिक ‘मॅन ऑफ द मॅच’ (Man of the Match) पुरस्कार (१२) आणि सलग सहा विश्वचषक स्पर्धांमध्ये खेळणारा पहिला फुटबॉलपटू (Footballer) असे अनेक विक्रम आहेत. त्याच्या या ऐतिहासिक कामगिरीमुळे फिफा विश्वचषक २०२६ मध्ये अर्जेंटिनाचा आत्मविश्वास आणखी उंचावला आहे.
