मुंबई : अवघ्या १५ वर्षांच्या वयात आयपीएलमध्ये धडाकेबाज कामगिरी करून क्रिकेटविश्वाचे लक्ष वेधून घेणाऱ्या वैभव सूर्यवंशीसाठी (Vaibhav Suryavanshi) आयुष्यातील सर्वात मोठा क्षण अखेर आला आहे. आयर्लंड आणि इंग्लंड दौऱ्यासाठी भारतीय संघात निवड झालेल्या या युवा फलंदाजाला टीम इंडियाची अधिकृत जर्सी मिळाली आणि त्या क्षणी तो भावूक झाल्याचे पाहायला मिळाले. या खास क्षणाचा व्हिडीओ बीसीसीआयने सोशल मीडियावर शेअर केला आहे.
'प्लेयर नंबर ५३२'ची खास एंट्री :
भारतीय संघाचे थ्रो-डाउन स्पेशालिस्ट रघू यांनी वैभवची जर्सी त्याच्या हॉटेल रूमपर्यंत पोहोचवली. खोलीच्या दरवाजावर 'प्लेयर नंबर ५३२' असा उल्लेख करण्यात आला होता. दार उघडताच वैभवने (Vaibhav Suryavanshi) रघू यांच्या पाया पडून आशीर्वाद घेतला. त्यानंतर जर्सी हातात घेताच त्याच्या चेहऱ्यावरचा आनंद आणि डोळ्यांतील भावनांचा पूर लपवता आला नाही.
"हे स्वप्न पूर्ण झालं" :
जर्सी मिळाल्यानंतर वैभवने (Vaibhav Suryavanshi) आपल्या भावना व्यक्त करताना सांगितले, "माझ्याकडे शब्दच नाहीत. ज्या स्वप्नासाठी मी पहिल्यांदा हातात बॅट घेतली, मैदानावर घाम गाळला, कठोर सराव केला, ते स्वप्न आज पूर्ण झालं आहे. टीम इंडियाची जर्सी घालण्याची प्रक्रिया आज पूर्णत्वास गेली आहे. हा क्षण शब्दांत मांडणं माझ्यासाठी खूप कठीण आहे."
फिलाडेल्फिया : FIFA World Cup 2026 मधील फ्रान्स (France) आणि इराक (Iraq) यांच्यातील ग्रुप-I सामना वादळी हवामानाचा इशारा (Severe Weather Alert) मिळाल्यानंतर मध्यंतरात (Half-Time) स्थगित करण्यात ...
"स्वप्नात असल्यासारखं वाटत होतं" :
वैभव पुढे म्हणाला, "मला खरंच स्वप्नात असल्यासारखं वाटत होतं. मी इतका आनंदी होतो की चेहऱ्यावरचं हसू थांबत नव्हतं. काही गोष्टी आयुष्यात अनपेक्षितपणे घडतात आणि त्या क्षणी काय प्रतिक्रिया द्यावी हेच सुचत नाही. जर्सी पाहिल्यानंतर माझीही तशीच अवस्था झाली होती." (Vaibhav Suryavanshi)
Lionel Messi (FIFA World Cup 2026) : अर्जेंटिनाचा (Argentina) कर्णधार लिओनेल मेस्सी (Lionel Messi) याने आपल्या कारकिर्दीतील आणखी एक सुवर्ण अध्याय लिहिला आहे. ऑस्ट्रियाविरुद्ध (Austria) ...
आयपीएलमध्ये केला होता विक्रमांचा पाऊस :
वैभव सूर्यवंशीने (Vaibhav Suryavanshi) नुकत्याच पार पडलेल्या आयपीएल हंगामात तुफानी फलंदाजी करत तब्बल ७७६ धावा केल्या आणि 'ऑरेंज कॅप'वर कब्जा केला. या दरम्यान त्याने तब्बल ७२ षटकार ठोकत विक्रमांची मालिका रचली. एका आयपीएल हंगामात सर्वाधिक षटकार मारण्याचा ख्रिस गेलचा ५९ षटकारांचा विक्रमही त्याने मोडीत काढला. आता देशांतर्गत आणि आयपीएल क्रिकेट गाजवल्यानंतर आंतरराष्ट्रीय क्रिकेटमध्येही मोठी छाप पाडण्याची संधी त्याच्यासमोर आहे.
भारतीय क्रिकेटला मिळालेल्या या नव्या ताऱ्याकडून चाहत्यांच्या अपेक्षा प्रचंड वाढल्या असून, 'प्लेयर नंबर ५३२' आता टीम इंडियासाठी कोणते नवे विक्रम रचतो याकडे सर्वांचे लक्ष लागले आहे. (Vaibhav Suryavanshi)
Ladies & Gentlemen The moment the nation has been waiting for has arrived! Vaibhav Sooryavanshi in #TeamIndia jersey. Witness this incredibly special moment ❤️ pic.twitter.com/sUUytFMPVw
— BCCI (@BCCI) June 23, 2026
