भाईंदर : शाळेच्या विद्यार्थ्यांना घेऊन जाणाऱ्या एका बसला मागून येणाऱ्या डंपरने जोरदार धडक दिल्याची घटना मंगळवारी संध्याकाळी साडेपाच वाजण्याच्या घडली आहे. या अपघातात जीवितहानी झालेली नाही.
View this post on Instagram
सिमेंट मिक्सर, माती वाहतूक करणारे डंपर निष्काळजीपणे चालवण्याचे प्रकार वाढत आहेत. यातूनच मीरा भाईंदरमध्ये अपघात होण्याचे प्रमाण वाढले आहे. ताजी घटना मंगळवारची संध्याकाळची आहे. भाईंदर पूर्वेकडील पी.के. रोडवर एका भरधाव डंपरने शाळेच्या बसला जोरदार धडक दिली. या अपघातात बसच्या पाठीमागील भाग संपूर्णपणे तुटला. अपघात झाला त्यावेळी बसमध्ये मोजकेच विद्यार्थी होते आणि ते गाडीच्या पुढील भागात बसले होते. यामुळे डंपरने मागून धडक दिल्यामुळे बसचे नुकसान झाले पण जीवितहानी झाली नाही. या निमित्ताने मीरा भाईंदरमधील वाहतुकीच्या नियमांच्या उल्लंघनाचा मुद्दा पुन्हा एकदा ऐरणीव आला आहे.
