Pune Crime : पुणे : पुण्यातील (Pune) पाटील इस्टेट परिसरात एका किरकोळ वादातून मोठा गोंधळ उडाल्याची घटना समोर आली आहे. गाडी बाजूला घेण्याच्या कारणावरून सुरू झालेल्या वादाचे रूपांतर थेट दहशतीत झाले. या प्रकरणी खडकी पोलीस ठाण्यात गुन्हा दाखल करण्यात आला असून पोलिसांनी तपास सुरू केला आहे.
मेकअप आर्टिस्टच्या हँडबॅगमधून कोट्यवधींचे दागिने गायब मुंबई: मुंबईतील सहार पोलीस (Sahaar Police Station) ठाण्यात 1.35 कोटी रुपयांच्या किमतीचे हिरेजडित कानातले ...
मिळालेल्या माहितीनुसार, पाटील इस्टेट येथील गल्ली क्रमांक 10 मध्ये ही घटना घडली. रस्त्यावर वाहन बाजूला घेण्यावरून दोन पक्षांमध्ये वाद झाला. या वादादरम्यान जुनी राजसिंग युवराज सिंग या सराईत गुन्हेगाराने आक्रमक भूमिका घेत हातात धारदार शस्त्र उचलले. त्याने समोरच्या व्यक्तीवर हल्ला करण्याचा प्रयत्न केल्याचे सांगितले जात आहे. (Pune Police)
घटनास्थळी उपस्थित असलेल्या काही महिलांनी धाडस दाखवत आरोपीला रोखले. त्यांनी त्याच्या हातातील शस्त्र हिसकावून घेतल्याने मोठी दुर्घटना टळली. मात्र यानंतरही आरोपीने परिसरातील नागरिकांना धमकावत गोंधळ घातला.
प्रत्यक्षदर्शींच्या माहितीनुसार, आरोपीने "मी इथला भाई आहे, मी जे सांगेल तेच इथल्या लोकांनी ऐकायचे," असे म्हणत नागरिकांना धमकावले. त्यामुळे परिसरात काही काळ भीतीचे वातावरण निर्माण झाले होते. रस्त्यावर सुरू असलेल्या या प्रकारामुळे नागरिकांमध्ये घबराट पसरली. (Pune Police Action)
मुंबई : बदलत्या लाईफस्टाईल (जीवनशैली) मुळे विविध आजारांचे प्रमाण वाढत असून, त्यापासून बचाव करण्यासाठी योग हा अत्यंत प्रभावी आणि रामबाण उपाय असल्याचे ...
पोलीस ठाण्यात गुन्हा दाखल
घटनेची माहिती मिळताच पोलिसांनी तातडीने घटनास्थळी धाव घेतली. तक्रारीच्या आधारे आरोपीविरोधात खडकी पोलीस ठाण्यात गुन्हा दाखल करण्यात आला आहे. आरोपीच्या हालचालींबाबत माहिती गोळा करण्यात येत असून पुढील कायदेशीर कारवाई सुरू असल्याची माहिती पोलिसांनी दिली.
