मुंबई : टी-२० विश्वचषक(T20 world cup 2026 )स्पर्धेदरम्यान भारतीय महिला संघाला मोठा धक्का बसला आहे. संघाची स्टार अष्टपैलू खेळाडू श्रेयंका पाटील नेदरलँड्सविरुद्धच्या सामन्यात झालेल्या दुखापतीमुळे संपूर्ण स्पर्धेतून बाहेर झाली आहे. तिच्या जागी एका बदली खेळाडूची घोषणा करण्यात आली आहे. नवख्या आणि आंतरराष्ट्रीय स्तरावर पदार्पण न केलेल्या प्रेमा रावतचा टी-२० विश्वचषक संघात समावेश करण्यात आला आहे. विशेष म्हणजे, प्रेमाने आतापर्यंत केवळ सहा आयपीएल सामन्यांमध्ये भाग घेतला आहे. यामुळे तिच्या निवडीवर चर्चा सुरू झाल्या आहेत.
महानगरपालिकेची सुमारे ७ कोटी ४८ लाख रूपयांची बचत* महानगरपालिका आयुक्त आश्विनी भिडे यांच्या कडून पाणीपुरवठा प्रकल्प विभागातील अभियंत्यांचा ...
आयसीसीच्या इव्हेंट टेक्निकल कमिटीने श्रेयंका पाटीलच्या जागी लेग-स्पिनर प्रेमा रावतला भारतीय संघात घेण्यास परवानगी दिली आहे. प्रेमा याआधी भारत अ संघासोबत इंग्लंडमध्ये होती. ती आता वरिष्ठ संघासोबत विश्वचषकात भाग घेणार आहे.
🚨 News 🚨 Prema Rawat replaces the injured Shreyanka Patil in #TeamIndia's squad at ICC Women's T20 World Cup 2026. Following Prema's inclusion in the squad, Niki Prasad has been added to the India A T20 squad and Minnu Mani has been added to the India A One-Day squad. More…
— BCCI Women (@BCCIWomen) June 19, 2026
फक्त सहा सामन्याचा अनुभव !
प्रेमा रावत (Prema Rawat) २४ वर्षांची आहे. अद्याप भारतीय संघात तिने पदर्पण केलेले नाही. तिने देशांतर्गत क्रिकेटमध्ये चांगली कामगिरी करत सर्वांचे लक्ष्य वेधून घेतले आहे. प्रेमा रावतने आयपीएलच्या दोन हंगामात भाग घेतला आहे. तिने २०२४-२०२५ आणि २०२५-२०२६ असे दोन हंगाम मिळून सहा सामने खेळले आहेत. या सहा सामन्यात तिने २०.३३ च्या सरासरीने सहा विकेट्स घेतल्या आहेत. फक्त सहा सामन्यानंतर थेट वर्ल्ड कप संघात निवड झाल्याने क्रिकेटविश्वात चर्चा रंगली आहे.
Nashik : महावितरणकडून विद्युत वाहिन्यांवर देखभाल व दुरुस्तीची कामे हाती घेण्यात येणार असल्याने शनिवारी (दि. २०) शहरातील जेलरोड आणि कॉलेज रोड परिसरात काही ...
आयसीसीचे अधिकृत निवेदन
श्रेयंका पाटीलच्या जागी पर्यायी खेळाडूचा समावेश करण्यास मंजुरी देणारे अधिकृत निवेदन आयसीसीने जारी केले आहे. त्यात आयसीसीने सांगितले आहे की, महिला टी-२० विश्वचषक २०२६ च्या तांत्रिक समितीने श्रेयंका पाटीलच्या जागी भारतीय संघात प्रेमा रावतचा समावेश करण्यास परवानगी दिली आहे. बुधवारी नेदरलँड्सविरुद्धच्या सामन्यात क्षेत्ररक्षण करताना श्रेयांकाच्या उजव्या घोट्याला दुखापत झाली. या दुखापतीमुळे तिला स्पर्धेतून माघार घ्यावी लागली असून, तिच्या जागी प्रेमा रावतची संघात निवड करण्यात आली आहे.
