नाशिक : निवडणूक प्रक्रियेत अधिक पारदर्शकता आणि अचूकता आणण्यासाठी नाशिकमध्ये एक महत्त्वाचा तांत्रिक प्रयोग राबविण्यात येणार आहे. विधान परिषदेच्या नाशिक स्थानिक स्वराज्य संस्था मतदारसंघाच्या निवडणुकीत मतदारांच्या ओळख पडताळणीसाठी फेस रिकग्निशन तंत्रज्ञानाचा वापर केला जाणार असून, अशा प्रकारचा हा राज्यातील पहिलाच प्रयोग ठरणार आहे.
विधान परिषदेच्या नाशिक स्थानिक स्वराज्य संस्था मतदारसंघाच्या निवडणुकीत अवघे ६१९ मतदार अआहे. त्यामुळे नाशिकमध्ये यासंदर्भातील राज्यातील पहिला प्रयोग राबवण्यात येणार आहे. त्याला राज्य निवडणूक आयोगाने तत्त्वत: मान्यता दिली असून, १८ जून रोजी होणाऱ्या मतदानात त्याची अंमलबजावणी केली जाणार आहे.
Nashik Water Crisis : नाशिककरांसाठी एक महत्त्वाची बातमी आहे. पाण्यासंदर्भात ही महत्त्वाची बातमी आहे. यंदा अल-निनोच्या प्रभावामुळे पावसाचे प्रमाण कमी राहण्याची ...
उपक्रमासाठी जिल्हाधिकारी तथा जिल्हा निवडणूक अधिकारी आयुष प्रसाद यांनी पुढाकार घेतला आहे. सी डॅक या मान्यताप्राप्त संस्थेने खास ॲप तयार केले असून नाशिक महापालिकेसह अन्य नगरपालिकांमधील मतदारांचे फोटो आणि माहिती ॲपवर संकलित केली जात आहे. १८ जून रोजी विधान परिषदेसाठी मतदान करताना आधी मतदार नगरसेवकाला चेहरा स्कॅन करून तपासले जाईल. त्यामुळे दुबार मतदानाचा प्रकार टळेल.
राज्याचे मुख्य निवडणूक आयुक्त चोक्कलिंगम यांनी या अभिनव प्रयोगाला मान्यता दिली आहे. मात्र हा प्रायोगिक स्वरूपातील उपक्रम असल्याने फेस रिकग्निशन प्रक्रियेत काही तांत्रिक अडचणी आल्यास संबंधित मतदाराला मतदानापासून वंचित ठेवले जाणार नाही. आवश्यक कागदपत्रांची पडताळणी करून त्याला मतदानाची परवानगी दिली जाईल, असे प्रशासनाने स्पष्ट केले आहे.
Nashik Vidhan Parishad Election : विधान परिषद निवडणुकीसाठी अवघा १ दिवस शिल्लक राहिला आहे. दरम्यान, नाशिक विधान परिषद स्थानिक प्राधिकारी मतदारसंघाच्या निवडणुकीसाठी ...
नाशिकमध्ये या पहिल्याच प्रयोगाला राज्याचे मुख्य निवडणूक आयुक्त चोक्कलिंगम यांनी मान्यता दिली आहे. अर्थात हा प्रयोग असल्याने मतदाराचे फेस रिकग्निशन होण्यात अडचणी आल्या तरी मतदान करू दिले जाणार आहे. त्यामुळे मतदार नगरसेवक किंवा उमेदवारांनी शंका घेण्याचे कारण नाही.
-मधुमालती सरदेसाई, उपजिल्हा निवडणूक अधिकारी, नाशिक
