Nashik Crime News : नाशिक शहरात एक अत्यंत खळबळजनक घटना घडली आहे. शहरातील तपोवन परिसरात एका सुटकेसमध्ये कुजलेल्या अवस्थेत मृतदेह आढळला आहे. एकीकडे आगामी सिंहस्थ कुंभमेळ्याच्या (Simhastha Kumbh Mela) पार्श्वभूमीवर तपोवन (Tapovan) परिसरात विकासकामांची जोरदार रेलचेल सुरू असतानाच दुसरीकडे आज ही धक्कादायक घटना घडली आहे.
- 'देवगिरी'वर मध्यरात्री खलबते; संघटनात्मक पातळीवर मोठे फेरबदल होणार मुंबई : रुपाली चाकणकर यांना राष्ट्रवादी काँग्रेसच्या महिला प्रदेशाध्यक्षपदाचा ...
सुटकेसमध्ये कुजलेल्या अवस्थेत मृतदेह
केवडी बन परिसरात (Kevadi Ban Area) असलेल्या कृषी गो सेवा ट्रस्ट गोशाळेजवळ एका सुटकेसमध्ये आणि गोणीत अत्यंत क्रूरपणे भरून ठेवलेला दुर्गंधीयुक्त मृतदेह (Dead Body) आढळला आहे. त्यामुळे एकच खळबळ उडाली आहे. आज सकाळी ८:३० वाजण्याच्या सुमारास हा प्रकार उघडकीस आला.
परिसरात काम करणाऱ्या ग्लोबल कंपनीच्या कर्मचाऱ्यांना तीव्र दुर्गंधी येऊ लागली. संशय आल्याने कर्मचाऱ्यांनी शोध घेतला. यावेळी त्यांना एक संशयास्पद सुटकेस आणि गोणी आढळून आली. कर्मचाऱ्यांनी हिम्मत करून ती उघडून पाहिली तर त्यात मृतदेह असल्याचे समोर आले. आणि एकच खळबळ उडाली. कर्मचाऱ्यांनी तात्काळ पोलिसांना याची माहिती दिली.
ठाणे : शहापूर-मुरबाड (Shahapur-Murbad) मार्गावरील शेंद्रुण परिसरात सोमवारी पहाटे झालेल्या भीषण अपघातात मिनी बस (Mini Bus Accident) चालकाचा जागीच मृत्यू (Death) झाला, तर तीन ...
हत्या करून मृतदेह फेकला ?
मृतदेह सुटकेसमध्ये गोणीत भरून फेकण्यात आल्याने ही स्पष्टपणे हत्येची घटना असल्याचे प्रथमदर्शनी दिसून येत आहे. मृतदेहाची अवस्था अत्यंत खराब झाली असून त्यातून तीव्र दुर्गंधी सुटली आहे. घटनेची माहिती मिळताच पंचवटी पोलिसांनी (Panchavati police) घटनास्थळी धाव घेत पंचनामा केला असता सदर मृतदेह महिलेचा असल्याचे निष्पन्न झाले आहे. तर घटनेचे गांभीर्य ओळखून पोलीस उपायुक्त मोनिका राऊत आणि सहाय्यक पोलीस आयुक्त शेखर देशमुख यांनी तातडीने घटनास्थळी भेट देऊन पाहणी केली व तपासाच्या अनुषंगाने तपासाची चक्रे फिरवली. याशिवाय घटनास्थळी श्वान पथकालाही पाचारण करण्यात आले होते.
नाशिक : सायबर गुन्हेगार (Cyber criminals) नागरिकांना लुटण्यासाठी नवनवीन फंडे शोधत असतात. आता या डिजिटल चोरांनी चोरीचा नवा फंडा शोधला आहे. ऑनलाइन फसवणूक (Online Fraud) ...
ओळख पटवण्याचे पोलिसांसमोर आव्हान
मृत्यू कधी झाला आणि कसा झाला हे शोधण्यासाठी मृतदेह शासकीय रुग्णालयात शवविच्छेदनासाठी पाठवण्यात आला आहे. तसेच या महिलेच्या मृतदेहाची ओळख पटवण्यासाठी पोलिसांनी परिसरातील आणि जिल्ह्यातील बेपत्ता व्यक्तींच्या नोंदी तपासण्याचे काम युद्धपातळीवर सुरू केले आहे. सिंहस्थाच्या कामांमुळे सध्या तपोवन परिसरात मजुरांची आणि नागरिकांची मोठी वर्दळ असते, अशा गजबजलेल्या भागात सुटकेसमध्ये गोणीत भरलेला मृतदेह आढळल्याने परिसरात भीतीचे वातावरण पसरले आहे. पोलीस सध्या सर्व बाजूंनी या प्रकरणाचा सखोल तपास करत आहेत.
