फिफा विश्वचषकात चार वेळच्या विजेत्या जर्मनीने आपली ताकद दाखवत विश्वचषक पदार्पण करणाऱ्या कुरासाओचा ७-१ असा दणदणीत पराभव केला. सुरुवातीला कुरासाओने जर्मनीला धक्का दिला असला, तरी त्यानंतर जर्मन खेळाडूंनी एकहाती वर्चस्व गाजवत गोलांचा पाऊस पाडला. काई हाव्हर्ट्झने दोन गोल करत संघाच्या विजयात महत्त्वाची भूमिका बजावली. (FIFA World Cup 2026)
कुरासाओच्या आनंदावर जर्मनीने लवकरच पाणी फेरले. ३८व्या मिनिटाला निको श्लोटरबेकने कॉर्नरवर हेडरद्वारे गोल करत जर्मनीला पुन्हा आघाडी मिळवून दिली. त्यानंतर पहिल्या हाफच्या अतिरिक्त वेळेत मिळालेल्या पेनल्टीवर काई हाव्हर्ट्झने अचूक निशाणा साधत जर्मनीची आघाडी ३-१ अशी वाढवली. (FIFA World Cup 2026)
फिफा विश्वचषकातील गट फेरीतील सर्वात रोमांचक सामन्यांपैकी एक ठरलेल्या लढतीत जपानने अखेरच्या क्षणी गोल करत नेदरलँड्सविरुद्ध २-२ अशी बरोबरी साधली. ...
दुसऱ्या हाफमध्ये जर्मनीने आणखी आक्रमक खेळ करत कुरासाओच्या बचावफळीची अक्षरशः दाणादाण उडवली. ४७व्या मिनिटाला जमाल मुसियालाने चौथा गोल केला. ६८व्या मिनिटाला नॅथॅनियल ब्राउनने पाचवा गोल झळकावला, तर ७८व्या मिनिटाला डेनिस उंडावने संघाच्या खात्यात सहावा गोल जमा केला. सामन्याच्या ८८व्या मिनिटाला हाव्हर्ट्झने दुसरा वैयक्तिक गोल करत जर्मनीचा विजय ७-१ असा भव्य केला. (FIFA World Cup 2026)
या सामन्यात आणखी एक ऐतिहासिक योगायोग पाहायला मिळाला. कुरासाओचे ७८ वर्षीय प्रशिक्षक डिक अॅडव्होकेट आणि जर्मनीचे ३८ वर्षीय प्रशिक्षक ज्युलियन नागेल्समन यांच्यात विश्वचषक इतिहासातील प्रशिक्षकांमधील सर्वात मोठे वयाचे अंतर पाहायला मिळाले. (FIFA World Cup 2026)
Doha/San Francisco : फिफा विश्वचषक २०२६ मध्ये शनिवारी झालेल्या सामन्यात कतारने फुटबॉलच्या इतिहासातील आपला एक संस्मरणीय क्षण अनुभवला. एकतर्फी वाटणाऱ्या सामन्यात ...
दरम्यान, जवळपास दोन वर्षांनंतर आंतरराष्ट्रीय फुटबॉलमध्ये पुनरागमन करणाऱ्या अनुभवी गोलरक्षक मॅन्युएल न्युअरनेही जर्मनीसाठी प्रभावी कामगिरी केली. आता जर्मनीचा पुढील सामना आयव्हरी कोस्टविरुद्ध होणार असून कुरासाओचा संघ इक्वेडोरशी दोन हात करणार आहे. (FIFA World Cup 2026)
