Sambhajinagar Crime News : पोटच्या मुलाने आपल्याच बापाची केली हत्या ; तर बहीण जखमी

छ. संभाजीनगर : बाप हा कितीही कठोर असला तरी त्यांच बोलणं त्यांचा ओरडणं कधी कधी त्याच मारणं हे सर्व मुलांच्या काळजी पोटीच असतं. मात्र याच वडिलांच्या म्हतारपणात मुलं त्यांचा सांभाळ करताना टाळाटाळ करतात. काही जण त्यांना वृद्धाश्रमात टाकतात तर काही असेच रस्त्यावर सोडून निघुन जातात. याहूनही संतापजनक घटना छत्रपती संभाजीनगर शहरातील सिल्कमील कॉलनीमध्ये घडली आहे. निवृत्त झालेल्या वडिलांची सर्व संपत्ती स्वतःच्या नावावर करून घेण्यासाठी आरोपीने रागाच्या भरात वडील आणि बहीण यांच्यावर चाकूने सपासप वार केले. यात वडिलांचा जागीच मृत्यू (Death) झाला आणि बहीण गंभीर जखमी आहे. केव्हा घडली घटना? गुरुवारी , दि.११ जून दुपारच्या दरम्यान जाफर कमरुद्दीन सय्यद पटेल (वय ८२) म्हणजेच मृत व्यक्ती आपल्या मुलीसोबत रिक्षातून जात होते. ते जलसंपदा विभागातून निवृत्त अधिकारी होते. आरोपीचे नाव अब्दुल रहेमान अब्दुल जाफर असे असून मृत पटेल यांचा नात्याने मुलगा लागतो. जाफर पटेल आणि त्यांच्या मुलामध्ये घराच्या मालकी हक्कावरून दीर्घकाळ वाद सुरू होता. या प्रकरणी न्यायालयात खटला सुरू होता. निकाल (Result) जाफर पटेल यांच्या बाजूने लागला त्यामुळे आरोपी खूप रागात होता. जाफर पटेल आणि त्यांची मुलगी रिक्षाने जात असताना आरोपी अब्दुल रहेमान याने त्यांची रिक्षा अडवली. रागाच्या भरत त्याने वडील आणि बहिणीवर धारदार चाकूने सपासप वार केले. हल्ल्यात जाफर पटेल यांचा जागीच मृत्यू झाला, तर त्यांची मुलगी गंभीर जखमी होऊन रस्त्यावर कोसळली. घटनेची माहिती मिळताच पोलिसांनी तातडीने घटनास्थळी धाव घेतली. जखमी महिलेला उपचारासाठी रुग्णालयात दाखल करण्यात आले असून वडिलांचा मृतदेह शवविच्छेदनासाठी (Post-mortem examination) पाठवण्यात आला आहे. आरोपी अब्दुल रहेमान याला पोलिसांनी ताब्यात घेतलं असून त्याच्यावर गुन्हा दाखल केला आहे.