BMC News : सखल भागांमध्ये अश्वशक्तीने महापालिका करणार प्रयत्न, साचलेले पाणी उचलून फेकणार

- मुंबईतील आठ ठिकाणी पुढील तीन वर्षांसाठी भाडेतत्वावर पंपाची सुविधा

- तब्बल १२३ कोटी रुपये करणार खर्च

मुंबई (सचिन धानजी)

मुंबईतील अनेक सखल भागांमध्ये पावसाळ्यात पाणी साचले गेल्यास त्या पाण्याचा निचरा योग्यप्रकारे आणि त्वरीत व्हावा यासाठी महापालिकेच्यावतीने (BMC News) ५१४ पंप बसवण्यात आले आहेत. मात्र, या व्यतिरिक्त काही महत्वाच्या ठिकाणांवर ५००, १००० आणि ३००० घनमीटर प्रतितास क्षमतेचे पंप बसवण्यात आले आहे. यामध्ये कोस्टल रोडसह मिलन सब वे, चुनाभट्टी, मस्जिद बंदर, वडाळा, महालक्ष्मी रेल्वे कल्व्हर्ट आदी ठिकाणी अधिक अश्वशक्तीचे पंप बसवण्यात आले असून पुढील तीन वर्षांसाठी कंपनींची निवड करून यावर तब्बल १२३ कोटी रुपये खर्च करण्यात येत आहे. त्यामुळे या सर्व भागांमधील पाण्याचा निचरा करण्यासाठी महापालिका अश्वशक्तीने प्रयत्न करून तेथे साचले जाणारे पाणी बाहेर फेकण्याचा प्रयत्न करणार आहे. (BMC News)

मुंबईतील (BMC News) अनेक भागांमध्ये मोठ्याप्रमाणात पाणी साचले जावून नये म्हणून मिनी पंपिंग स्टेशन निर्माण करण्यात आली असून याठिकाणी यापूर्वी बसवण्यात आलेल्या पंपांमुळे पाण्याचा निचरा योग्यप्रकारे झाल्यामुळे आता त्याील काही ठिकाणी अधिक अश्वशक्तीचे पंप भाडेतत्वावर घेण्यात येणार आहेत. या प्रमुख आठ ठिकाणांवर भाडेतत्वावर पंप घेण्यासाठी पुढील तीन वर्षांसाठी कंत्राटदारांची निवड करण्यात आली आहे. विशेष म्हणजे तीन कंपन्यांनीच यामध्ये सहभाग दाखवून संगनमत करून हे काम मिळवण्याचा प्रयत्न केला आहे. यामध्ये महाबल इन्फ्रा कंपनीला तीन ठिकाणी, एआरडब्ल्यू-एएनसी या कंपनीला दोन, साज एंटरप्रायझेस दोन यांना अशाप्रकारे कामे मिळाली आहेत. त्यामुळे या तिन्ही कंपन्यांनी संगनमत करून कामे मिळवली आहेत का असा सवाल उपस्थित होत आहे. (BMC News)

BMC News : रस्त्यांवरील खड्डे बुजवण्यासाठी तब्बल १४ कंत्राटदारांची निवड, यंदा केवळ ४२ कोटींचीच कामे

मुंबई : मुंबई महापालिकेच्यावतीने सध्या मोठ्याप्रमाणात सिमेंट काँक्रिटीकरणाची कामे हाती घेण्यात आल्यामुळे रस्त्यांवर पावसाळ्यात निर्माण होणाऱ्या ...

५०० घ मी, १००० घ मी आणि ३००० घनमीटर पंपाचा वापर, तीन वर्षांसाठी कंत्राटदारांची निवड

-मुबई कोस्टल रोड प्रकल्पाच्या पॅकेज १ व ४ आणि २ मध्ये पावसाळ्याच्या कालावधीत स्थापित स्लुईस गेट परिसर

कंत्राटदार : महाबल इन्फ्रा, किंमत : १३.६७ कोटी रुपये

-'के/पश्चिम' विभागातील मिलन सबवे

कंत्राटदार :महाबल इन्फ्रा, किंमत : २६.७० कोटी रुपये