मुंबई : सोशल मीडियावर (Social Media) केलेल्या एका टिप्पणीमुळे एखाद्याचे आयुष्य आणि करिअर (Career) कसे प्रभावित होऊ शकते, याचे ताजे उदाहरण गुरुग्राममध्ये समोर आले आहे. स्टँड-अप कॉमेडियन (Stand-Up Comedian) प्रणीत मोरे (Pranit More) याच्या लाईव्ह शोदरम्यान एका तरुणाने केलेली वादग्रस्त टिप्पणी त्याच्यासाठी मोठी डोकेदुखी ठरली. अवघ्या काही सेकंदांच्या व्हिडिओ क्लिपमुळे ( Video Clip) त्याला केवळ ट्रोलिंगच (Trolling) नव्हे तर नोकरीही गमवावी लागली.
काय आहे ३७० रुपयांच्या बिर्याणीचा वाद?
प्रणीत मोरे याच्या लाईव्ह स्टँड-अप शोमध्ये (Live Stand-UP Show) प्रेक्षकांशी संवाद साधताना एका तरुणाने त्याच्या डेटिंग (Dating) अनुभवाबाबत एक किस्सा सांगितला. त्याने सांगितले की, एका तरुणीसोबत डेटला गेल्यानंतर त्याने चिकन बिर्याणीवर ३७० रुपये खर्च केले आणि नंतर तो खर्च "वसूल" करण्याची अपेक्षा व्यक्त केली. शोमध्ये उपस्थित काही लोकांनी या वक्तव्यावर हशा केला. मात्र, या घटनेचा व्हिडिओ सोशल मीडियावर व्हायरल (Viral) झाल्यानंतर मोठा वाद निर्माण झाला. अनेकांनी या वक्तव्याला महिलांविषयी अपमानास्पद आणि असंवेदनशील मानसिकतेचे उदाहरण म्हटले.
नवी मुंबई : नवी मुंबई (Navi Mumbai) पोलीस आयुक्तालयाच्या हद्दीतील एका गूढ आणि थरारक हत्याकांडाचा (Murder) पनवेल तालुका पोलिसांनी उलगडा केला आहे. प्रेयसीच्या ...
सोशल मीडियावर संतापाची लाट
व्हिडिओ व्हायरल होताच इन्स्टाग्राम (Instagram), एक्स (X) आणि यूट्यूबसह (YouTube) विविध सोशल मीडिया प्लॅटफॉर्मवर (Social Media Platform) तीव्र प्रतिक्रिया उमटू लागल्या. हजारो युजर्सनी (Users) संबंधित तरुणाच्या वक्तव्याचा निषेध केला. महिलांच्या सन्मानाविषयी चुकीचा दृष्टिकोन दर्शवणारी ही टिप्पणी असल्याचे अनेकांचे मत होते. काही वेळातच नेटिझन्सनी (Netizens) त्या तरुणाची ओळख शोधून त्याचे व्यावसायिक प्रोफाइल आणि तो ज्या कंपनीत काम करत होता, त्याची माहितीही सार्वजनिक केली.
व्हायरल व्हिडिओनंतर कंपनीचा मोठा निर्णय
मिळालेल्या माहितीनुसार, संबंधित तरुण गुरुग्राममधील एका डिझाइन कंपनीत (Design Company) कार्यरत होता. प्रकरण कंपनीच्या व्यवस्थापनापर्यंत पोहोचल्यानंतर अंतर्गत चर्चा करण्यात आली. त्यानंतर कंपनीच्या मालकाने सोशल मीडियावर व्हिडिओ शेअर करत भूमिका स्पष्ट केली. कंपनीने सांगितले की, संबंधित कर्मचाऱ्याविरोधात यापूर्वी कोणतीही तक्रार नव्हती आणि तो मेहनती कर्मचारी होता. मात्र, व्हायरल व्हिडिओमधील (Viral Video) विधान कंपनीच्या मूल्यांशी आणि कार्यसंस्कृतीशी विसंगत असल्याने त्याच्यावर कारवाई करण्यात आली. याच पार्श्वभूमीवर कंपनीने संबंधित तरुणाची सेवा तात्काळ समाप्त केल्याची घोषणा केली.
View this post on Instagram
मुंबई (विशेष प्रतिनिधी) मुंबई किनारी रस्ते प्रकल्प (उत्तर) वर्सोवा आंतरबदल ते दहिसर भाईंदर मार्गावरील दहिसर आंतरबदल आणि गोरेगाव-मुलूंड लिंक रोड यांना ...
सोशल मीडियावरील चर्चेला उधाण
कंपनीच्या निर्णयाचे सोशल मीडियावर मोठ्या प्रमाणात स्वागत करण्यात आले. महिलांबद्दल अनादर दाखवणाऱ्या वक्तव्यांना प्रोत्साहन मिळू नये, यासाठी कंपन्यांनी कठोर भूमिका घेणे आवश्यक असल्याचे अनेकांनी म्हटले. दरम्यान, या घटनेमुळे स्टँड-अप कॉमेडी शो (Stand-Up Comedy Show), सोशल मीडिया संस्कृती आणि व्हायरल कंटेंटच्या (Viral Content) वाढत्या प्रभावाबाबतही चर्चा सुरू झाली आहे. काही सेकंदांच्या व्हिडिओमुळे एखाद्या व्यक्तीची प्रतिमा आणि करिअर (Career) धोक्यात येऊ शकते, याची पुन्हा एकदा प्रचिती या घटनेतून आली आहे.
