Dadar Bus Accident : दादरमध्ये भीषण अपघात! भरधाव बसचा कहर; ३ बाईक, टॅक्सी आणि ओला-उबेरला धडक, एकाचा मृत्यू, अनेक जखमी

मुंबई : दादर येथील प्लाझा परिसरात सोमवारी भीषण अपघात घडल्याने एकच खळबळ उडाली. भरधाव वेगाने आलेल्या एका बसने तीन दुचाकी, एक टॅक्सी आणि ओला-उबेर वाहनाला जोरदार धडक दिली. या भीषण अपघातात एका व्यक्तीचा मृत्यू झाला असून अनेक जण जखमी झाल्याची प्राथमिक माहिती समोर आली आहे. (Dadar Bus Accident)

प्रत्यक्षदर्शींनी दिलेल्या माहितीनुसार, प्लाझा परिसरात अचानक नियंत्रण सुटलेल्या बसने रस्त्यावरून जात असलेल्या वाहनांना एकामागोमाग एक धडक दिली. धडकेचा जोर इतका होता की काही दुचाकी दूरपर्यंत फेकल्या गेल्या, तर टॅक्सी आणि ओला-उबेर वाहनांचे मोठे नुकसान झाले. (Dadar Bus Accident)

Chitra Wagh : डहाणूतील संतापजनक प्रकरणावर चित्रा वाघ आक्रमक; दोन बहिणींवरील अत्याचारप्रकरणी कठोर कारवाईची मागणी

डहाणू : पालघर जिल्ह्यातील डहाणू येथे घडलेल्या एका लव्ह जिहादच्या गंभीर प्रकरणामुळे परिसरात खळबळ उडाली आहे. या प्रकरणातील पीडित मुलींच्या ...

अपघातानंतर परिसरात मोठी गर्दी जमली होती. स्थानिक नागरिक आणि पोलिसांनी तत्काळ मदतकार्य सुरू करत जखमींना जवळच्या रुग्णालयात दाखल केले. काही जखमींची प्रकृती गंभीर असल्याची माहिती मिळत आहे.घटनेची माहिती मिळताच पोलीस आणि वाहतूक विभागाचे अधिकारी घटनास्थळी दाखल झाले. अपघात नेमका कशामुळे झाला, बस चालकाचे वाहनावरील नियंत्रण कसे सुटले आणि तांत्रिक बिघाड होता का याचा तपास सुरू करण्यात आला आहे. (Dadar Bus Accident)

या अपघातामुळे दादर परिसरात काही काळ वाहतुकीवर परिणाम झाला होता. पोलिसांनी वाहतूक सुरळीत करण्यासाठी पर्यायी मार्गांचा वापर केला. दरम्यान, मृत व्यक्तीची ओळख पटविण्याचे काम सुरू असून अपघाताबाबत अधिक तपशीलांची प्रतीक्षा आहे. या घटनेमुळे दादर परिसरात हळहळ व्यक्त केली जात असून नागरिकांनी रस्ते सुरक्षेबाबत चिंता व्यक्त केली आहे. (Dadar Bus Accident)

 

View this post on Instagram

 

A post shared by Prahaar Newsline (@prahaarnewsline)