Chitra Wagh : डहाणूतील संतापजनक प्रकरणावर चित्रा वाघ आक्रमक; दोन बहिणींवरील अत्याचारप्रकरणी कठोर कारवाईची मागणी

डहाणू : पालघर जिल्ह्यातील डहाणू येथे घडलेल्या एका लव्ह जिहादच्या गंभीर प्रकरणामुळे परिसरात खळबळ उडाली आहे. या प्रकरणातील पीडित मुलींच्या कुटुंबीयांची भेट घेतल्यानंतर भाजप महिला प्रदेशाध्यक्ष आणि आमदार चित्रा वाघ (Chitra Wagh) यांनी डहाणू पोलीस ठाण्यात धाव घेत आरोपीविरोधात कठोर कारवाईची मागणी केली.

चित्रा वाघ (Chitra Wagh) यांनी सांगितले की, एका तरुणाने एकाच कुटुंबातील दोन सख्ख्या बहिणींवर अत्याचार केल्याचा आरोप असून, पीडित मुलींना तसेच त्यांच्या कुटुंबीयांना धमकावण्यात आल्याची माहिती समोर आली आहे. संबंधित आरोपीविरोधात गुन्हा दाखल करण्यात आला असून तो सध्या फरार असल्याचे सांगितले जात आहे.

MahaDBT Students Scheme : मोठ्या शहरात उच्च शिक्षण घेणाऱ्या विद्यार्थ्यांना ३० हजार रुपये मिळणार; कोण पात्र? जाणून घ्या

मुंबई : मुंबई, पुणे, नागपूर किंवा छत्रपती संभाजीनगर यांसारख्या मोठ्या शहरांमध्ये उच्च शिक्षण (Higher Education) घेणे अनेक विद्यार्थ्यांसाठी आर्थिकदृष्ट्या ...

पीडित मुलींच्या आई-वडिलांची व्यथा ऐकल्यानंतर आपण हादरून गेलो असल्याचे वाघ यांनी म्हटले. "दोन निष्पाप मुलींचे आयुष्य उद्ध्वस्त करणाऱ्या आरोपीला कोणतीही दया दाखवता कामा नये. त्याच्यावर कठोरात कठोर कारवाई व्हावी," अशी मागणी त्यांनी केली. यावेळी त्यांनी आरोपीच्या कुटुंबीयांनाही या प्रकरणाची माहिती असल्याचा आरोप करत त्यांच्याविरोधातही चौकशी करून आवश्यक ती कायदेशीर कारवाई करण्यात यावी, अशी मागणी पोलिसांकडे केली. तसेच आरोपीचे घर अनधिकृत असल्यास त्यावरही कारवाई करण्याची मागणी त्यांनी केली. (Chitra Wagh)

पालघरमध्ये वाढत्या फसवणुकीच्या घटनांबाबत चिंता :

चित्रा वाघ (Chitra Wagh) यांनी पालघर जिल्ह्यात तरुणींना प्रेमाच्या आमिषाने परदेशात नेल्याच्या घटनांबाबतही चिंता व्यक्त केली. काही प्रकरणांमध्ये तरुणींना शिक्षण किंवा नोकरीच्या नावाखाली परदेशात नेण्यात आल्याच्या तक्रारी समोर येत असल्याचे त्यांनी सांगितले. अशा घटनांमुळे अनेक कुटुंबे मानसिक तणावातून जात असून या प्रकारांना आळा घालण्यासाठी प्रभावी कृती आराखडा तयार करण्याची गरज असल्याचे त्यांनी नमूद केले.

Pune Crime : PSI असल्याचा बनाव; एका लहान चुकीने महिला तोतया पोलिसाचा भांडाफोड!

पुणे : पुण्यातील (Pune) कॅम्प परिसरात स्वतःला पोलीस उपनिरीक्षक (PSI - Police Sub Inspector) असल्याचे भासवून फिरणाऱ्या २५ वर्षीय तोतया महिला पोलिसाला (Fake Woman Police Officer) लष्कर ...

लवकरच घेणार मुख्यमंत्र्यांची भेट :

या वाढत्या घटनांबाबत राज्य सरकारचे लक्ष वेधण्यासाठी आपण लवकरच महाराष्ट्राचे मुख्यमंत्री देवेंद्र फडणवीस (Devendra Fadnavis) यांची भेट घेणार असल्याचेही चित्रा वाघ (Chitra Wagh) यांनी स्पष्ट केले. "पीडित मुलींना न्याय मिळेपर्यंत आणि आरोपींना शिक्षा होईपर्यंत आमचा लढा सुरू राहील. हा केवळ एका कुटुंबाचा प्रश्न नसून समाजातील प्रत्येक मुलीच्या सुरक्षिततेशी संबंधित विषय आहे," असे चित्रा वाघ (Chitra Wagh) यांनी सांगितले. दरम्यान, पोलिसांनी आरोपीचा शोध सुरू केला असून प्रकरणाचा पुढील तपास सुरू आहे.