मुंबई : अमेरिकेतली प्रमुख शेअर बाजारांमध्ये शुक्रवारी मोठी घसरण झाली. आयटी क्षेत्रातील शेअर्सच्या विक्रीमुळे मार्च २०२० ते एप्रिल २०२५ दरम्यानची मोठी घसरण दिसली. क्रिप्टो करन्सीच्या क्षेत्रातही घसरण झाली. मुंबईत सेन्सेक्स ११६.६६ ने घसरून शुक्रवारी संध्याकाळी ७४,२४३.३४ वर बंद झाला तर निफ्टी फिफ्टी इंडेक्स ४९.८५ ने घसरून शुक्रवारी संध्याकाळी २३,३६६.७० वर बंद झाला. यामुळे सोमवारी भारतासह जगभरातील शेअर बाजारांमध्ये काय होणार या चिंतेने असंख्य गुंतवणूकदारांची झोप उडाली आहे.
वॉशिंग्टन : अमेरिकेतील ओहायो राज्यातील टोलेडो शहरात एका सामुदायिक महोत्सवाजवळ झालेल्या गोळीबारामुळे परिसरात भीतीचे वातावरण निर्माण झाले आहे. ओल्ड ...
गुंतवणुकीचे काय होणार हे सोमवार ८ जून २०२६ रोजी सकाळच्या सत्रातच स्पष्ट होईल. पण अनेक गुंतवणूकदार मोठी घसरण होईल आणि आपले नुकसान होईल या विचाराने आतापासूनच त्रस्त आहेत. सध्या भारतीय शेअर बाजारांमध्ये देशांतर्गत असलेली गुंतवणूक वाढत आहे. यामुळे भारतीय शेअर बाजारावर सोमवारी मोठा परिणाम होईल की तात्पुरता परिणाम दिसेल असा प्रश्न अनेक तज्ज्ञ उपस्थित करत आहेत.याआधी शुक्रवारी अमेरिकेत डाऊ जोन्स ६९५.१५ अंकांनी घसरून ५०,८६६.७८ वर बंद झाला. नॅस्डॅक ११२१ अंकांनी म्हणजेच ४.१८ टक्क्यांनी घसरून २५,७०९.४३ वर बंद झाला. एसअँडपी फाईव्ह हंड्रेड इंडेक्स २००.५७ अंकांनी म्हणजेच २.६४ टक्क्यांनी घसरून ७३८३.७४ वर बंद झाला. सेमीकंडक्टर म्हणजेच चिप उत्पादक कंपन्या, एआय सेवा देणाऱ्या तसेच एआयची मोठ्या प्रमाणात मदत घेणाऱ्या कंपन्या आणि आयटी कंपन्यांच्या शेअर्समध्ये मोठ्या प्रमाणात घसरण झाली. आता सोमवारी काय होणार याकडे अनेक गुंतवणूकदारांचे लक्ष आहे.