मुंबई : आंतरराष्ट्रीय घडामोडींमुळे मौल्यवान धातूंच्या बाजारात मोठी उलथापालथ पाहायला मिळत आहे. अमेरिका आणि इराण यांच्यातील वाढत्या तणावामुळे जागतिक आर्थिक बाजारपेठेत अस्थिरता निर्माण झाली असून त्याचा थेट परिणाम सोन्या-चांदीच्या दरांवर झाला आहे. गेल्या आठवडाभरात सोन्याच्या किमतीत मोठी घसरण झाली असून चांदीने तर तब्बल १४ हजार रुपयांची घसरण नोंदवत गुंतवणूकदारांना धक्का दिला आहे. (Gold-Silver Rate)
चांदीची मोठी घसरण :
सोन्यापेक्षा चांदीच्या बाजारात अधिक मोठी घसरण दिसून आली. सलग तिसऱ्या व्यवहार सत्रात चांदीच्या किमती कोसळल्या. एका दिवसातच चांदी ५ हजार रुपयांनी स्वस्त झाली असून तिचा भाव २,६०,७०० रुपये प्रति किलोवर आला आहे. संपूर्ण आठवड्याचा विचार केला असता चांदीच्या दरात तब्बल १४ हजार रुपयांची घसरण नोंदवण्यात आली आहे. या घसरणीमुळे दागिने खरेदी करणाऱ्या ग्राहकांना दिलासा मिळाला असला, तरी चांदीच्या ETF आणि इतर गुंतवणूक योजनांमध्ये पैसा गुंतवलेल्या गुंतवणूकदारांचे मोठे नुकसान झाले आहे. (Gold-Silver Rate)
देशातील सार्वजनिक क्षेत्रातील प्रमुख बँकांपैकी एक असलेल्या कॅनरा बँकेला रिझर्व्ह बँक ऑफ इंडियाने (RBI) मोठा दणका दिला आहे. केवायसी (KYC) आणि निष्क्रिय ...
रुपया मजबूत झाल्याचा परिणाम :
बाजार विश्लेषकांच्या मते, भारतीय रिझर्व्ह बँकेने अलीकडेच परदेशी गुंतवणूक आकर्षित करण्यासाठी आणि आर्थिक स्थैर्य राखण्यासाठी काही उपाययोजना जाहीर केल्या आहेत. त्याचा सकारात्मक परिणाम भारतीय रुपयावर झाला असून डॉलरच्या तुलनेत रुपया मजबूत झाला आहे. यामुळे आयात होणाऱ्या मौल्यवान धातूंवरील दबाव कमी झाला आणि सोन्या-चांदीच्या किमती घसरल्या. (Gold-Silver Rate)
तज्ज्ञांचे काय मत?
जागतिक बाजारातही दबाव कायम :
आंतरराष्ट्रीय बाजारात हाजिर सोन्याचा भाव किंचित घसरणीसह ४,४७०.७९ डॉलर प्रति औंसवर व्यवहार करत आहे. तर चांदी १ टक्क्यांहून अधिक घसरून ७२.८९ डॉलर प्रति औंसवर आली आहे. सलग दुसऱ्या आठवड्यात जागतिक बाजारात सोन्याला तोटा सहन करावा लागला असून त्याचे पडसाद भारतीय बाजारपेठेतही उमटले आहेत. (Gold-Silver Rate)
मुंबई : ‘ब्लूमबर्ग बिलियनेअर्स इंडेक्स’च्या ताज्या अहवालानुसार, या वर्षात जानेवारी महिन्यापासून ते ४ जून २०२६ पर्यंत भारतातील दिग्गज उद्योगपती गौतम ...
ग्राहकांसाठी सुवर्णसंधी?
सोन्या-चांदीच्या दरात झालेल्या या घसरणीमुळे लग्नसराई आणि सणासुदीच्या खरेदीची तयारी करणाऱ्या ग्राहकांसाठी ही एक चांगली संधी मानली जात आहे. मात्र बाजारातील अस्थिरता लक्षात घेता गुंतवणूकदारांनी तज्ज्ञांचा सल्ला घेऊनच गुंतवणुकीचे निर्णय घ्यावेत, असे जाणकारांचे मत आहे. (Gold-Silver Rate)
