मुंबई : श्रीलंकेच्या युवा भालाफेकपटू रुमेश थरंगा पाथिरागेने रोम डायमंड लीग 2026 मध्ये ऐतिहासिक कामगिरी केली आहे. त्याच्या एका थ्रोने संपूर्ण क्रीडा विश्वाचे लक्ष त्याने वेधून घेतले आहे. अवघ्या 23 वर्षांच्या रुमेशने 92.62 मीटर लांब भाला फेकत केवळ स्पर्धेचाच विक्रम मोडला नाही, तर भारताच्या स्टार खेळाडू नीरज चोप्रालाही मागे टाकले आहे.ऐतिहासिक कामगिरीमुळे रुमेश 90 मीटरचा टप्पा पार करणारा आशियातील चौथा खेळाडू झाला आहे. यापूर्वी हा पराक्रम तैवानच्या चेंग चाओ-त्सन (Cheng Chao-tsun) (91.36 मी.), अर्शद नदीम (Arshad Nadeem) (92.97 मी.) आणि नीरज चोप्रा (90.23 मी.) यांनी केला होता. रुमेशने हा विक्रम करीत क्रीडा विश्वाचे लक्ष्य वेधले आहे.
रुमेशच्या 92.62 मीटर थ्रोमुळे झालेले नवीन विक्रम
१. श्रीलंकेचा नवा राष्ट्रीय विक्रम
२. २०२६ मध्ये सर्वाधिक मोठा थ्रो करण्याचा जागतिक विक्रम
३. रोम डायमंड लीगचा ऐतिहासिक विक्रम
३. आशियातील दुसरा सर्वात मोठा थ्रो
४. पुरुषांच्या भालाफेकीच्या इतिहासातील 21वा सर्वोत्तम थ्रो
विशेष म्हणजे, या स्पर्धेत नीरज चोप्रा आणि अर्शद नदीम सहभागी नव्हते. रुमेशने दुसऱ्याच प्रयत्नात 92.62 मीटरचा विक्रमी थ्रो केला. त्यानंतरचे त्याचे चार प्रयत्न फाऊल झाले. मात्र स्पर्धेत त्याच्या विक्रमा जवळ कोणीही येऊ शकला नाही. तर स्पर्धेत दुसऱ्या स्थानावर Anderson Peters 83.89 राहिला.
View this post on Instagram
क्रिकेट ते भालाफेक असा अनोखा प्रवास
श्रीलंकेतील अनेक तरुणांप्रमाणे रुमेशलाही सुरुवातीला क्रिकेट खेळण्याची आवड होती. अंडर-18 स्तरावर तो ताशी 134 किमी वेगाने गोलंदाजी करत होता. मात्र, थाळीफेक आणि गोळाफेकपटू असलेल्या वडिलांच्या मार्गदर्शनाखाली त्याने 2017 पासून भालाफेकीचा सराव सुरू केला. आज त्याने जागतिक स्तरावर मोठा विक्रम केला आहे.दरम्यान, भारताचा युवा भालाफेकपटू सचिन यादवने (Sachin Yadav) रोम डायमंड लीगमध्ये पदार्पण केले. त्याला 79.18 मीटरचीच फेक करता आली. त्याची वैयक्तिक सर्वोत्तम कामगिरी 86.27 मीटर इतकी आहे.
