Terrorist Hufaiza : दाऊद-ISI मॉड्यूलवर मोठा घाव; मुंबईतून दहशतवादी हुफैजा अटकेत, दहशतवादी जाळ्याचा तपास तीव्र

मुंबई : राष्ट्रीय सुरक्षेच्या दृष्टीने महत्त्वपूर्ण मानल्या जाणाऱ्या कारवाईत दिल्ली पोलिसांच्या स्पेशल सेलने दाऊद इब्राहिमच्या डी-कंपनीशी आणि पाकिस्तानची गुप्तचर संस्था ISIशी कथित संबंध असलेल्या हुफैजा (Terrorist Hufaiza) संशयित दहशतवाद्याला मुंबईतून अटक केली आहे. या अटकेमुळे पाकिस्तानस्थित गुन्हेगारी आणि दहशतवादी नेटवर्कच्या भारतातील कारवायांबाबत अनेक धक्कादायक खुलासे होण्याची शक्यता व्यक्त केली जात आहे.

मिळालेल्या माहितीनुसार, दिल्ली पोलिसांच्या स्पेशल सेलसह मुंबई ATS आणि गुप्तचर यंत्रणा गेल्या अनेक आठवड्यांपासून हुफैजाच्या हालचालींवर लक्ष ठेवून होत्या. मुंबईतील विविध भागांमध्ये छापेमारी आणि तांत्रिक माहितीच्या आधारे त्याचा शोध सुरू होता. अखेर मंगळवारी रात्री संयुक्त कारवाई करत त्याला अटक करण्यात यश आले. (Terrorist Hufaiza)

Bangladeshi Nationals Detained In Ahmedabad : गुजरातमध्ये अवैध स्थलांतरितांविरोधात मोठी कारवाई; अहमदाबादमधून १३१ बांगलादेशी नागरिक ताब्यात, १६० हून अधिक संशयितांची चौकशी सुरू

अहमदाबाद : गुजरातमधील अहमदाबाद शहरात अवैधरीत्या वास्तव्यास असलेल्या परदेशी नागरिकांविरोधात पोलिसांनी मोठी मोहीम हाती घेतली असून या कारवाईत २९० हून ...

तपास यंत्रणांच्या माहितीनुसार, हुफैजा (Terrorist Hufaiza) हा ISI एजंट आणि मुंबईतील कुख्यात गुंड मुन्ना झिंगाडाचा निकटवर्तीय मानला जातो. मुन्ना झिंगाडा सध्या पाकिस्तानातील कराची येथे वास्तव्यास असल्याचा संशय असून तेथून तो आपल्या साथीदारांना निर्देश देत असल्याची माहिती समोर आली आहे. हुफैजा हा त्याच्याकडून मिळणाऱ्या सूचनांनुसार विविध कामे करत असल्याचा तपास यंत्रणांचा दावा आहे. तसेच, मुंबईच्या अंडरवर्ल्डमध्ये हुफैजाला दाऊद इब्राहिमच्या नेटवर्कमधील महत्त्वाचा दुवा मानले जाते. त्याचे डी-कंपनीशी असलेले संबंध, आर्थिक व्यवहार, तसेच संभाव्य दहशतवादी कारवायांमधील सहभाग याबाबत तपास सुरू आहे.

चार राज्यांमध्ये कारवाई, नऊ संशयित अटकेत :

या मॉड्यूलविरोधातील मोहिमेदरम्यान दिल्ली पोलिसांच्या स्पेशल सेलने आतापर्यंत नऊ संशयित दहशतवाद्यांना अटक केली आहे. दिल्ली, मुंबई, राजस्थान आणि पंजाब या चार राज्यांमध्ये गेल्या महिनाभरापासून छापेमारी सुरू होती. गुप्तचर विभागाकडून मिळालेल्या माहितीनंतर ही व्यापक मोहीम राबवण्यात आली. तपास अधिकाऱ्यांच्या मते, हे मॉड्यूल पाकिस्तानस्थित घटकांच्या मदतीने भारतात दहशतवादी कारवाया घडवून आणण्याचा कट रचत होते का, याचाही तपास सुरू आहे. अटक करण्यात आलेल्या आरोपींकडून डिजिटल उपकरणे, संपर्कांची माहिती आणि आर्थिक व्यवहारांशी संबंधित पुरावे मिळाल्याचे सांगितले जात आहे. (Terrorist Hufaiza)

Crude Oil Prices Hike : पश्चिम आशियातील वाढत्या तणावामुळे कच्च्या तेलाच्या किमतीत पुन्हा वाढ

नवी दिल्ली : काल रात्री इराणने कुवेत आणि बहरीनमधील अमेरिकी लष्करी तळांवर केलेल्या क्षेपणास्त्र हल्ल्यानंतर पश्चिम आशियातील तणाव वाढला आहे. या ...

चौकशीतून आणखी मोठे खुलासे अपेक्षित :

हुफैजाच्या अटकेनंतर डी-कंपनी आणि ISIशी संबंधित आणखी किती व्यक्ती भारतात सक्रिय आहेत, याचा शोध घेण्यावर तपास यंत्रणांचा भर आहे. मुन्ना झिंगाडाने त्याला कोणती लक्ष्ये दिली होती, तो कोणाच्या संपर्कात होता आणि त्याच्या माध्यमातून नव्या सदस्यांची भरती केली जात होती का, याबाबत सखोल चौकशी सुरू आहे.राष्ट्रीय सुरक्षेशी संबंधित या प्रकरणात आणखी काही अटकसत्र होण्याची शक्यता असून तपास यंत्रणा संपूर्ण नेटवर्कचा पर्दाफाश करण्यासाठी विविध राज्यांमध्ये शोधमोहीम राबवत आहेत. (Terrorist Hufaiza)