IPL 2026 Final Tim David : टिम डेव्हिडला मोठा दणका! पंचांच्या दिशेने बर्फाची पिशवी फेकणं पडलं महागात; सामना शुल्काच्या ५०% दंड

नवी दिल्ली : आयपीएल २०२६ च्या अंतिम सामन्यानंतर रॉयल चॅलेंजर्स बंगळुरू (RCB) संघाचा स्फोटक फलंदाज टिम डेव्हिड (IPL 2026 Final Tim David) चर्चेत आला आहे. मात्र यावेळी त्याच्या फलंदाजीमुळे नव्हे, तर मैदानावरील गैरवर्तनामुळे त्याच्यावर कठोर कारवाई करण्यात आली आहे. आयपीएलच्या आचारसंहितेचे उल्लंघन केल्याप्रकरणी टिम डेव्हिडवर त्याच्या सामना शुल्काच्या ५० टक्के दंडाची कारवाई करण्यात आली असून त्याच्या खात्यात दोन डिमेरिट पॉइंट्सही जमा करण्यात आले आहेत.

अहमदाबादमधील नरेंद्र मोदी स्टेडियमवर खेळल्या गेलेल्या आयपीएल २०२६ च्या अंतिम सामन्यात आरसीबी आणि गुजरात टायटन्स आमनेसामने होते. या हाय-व्होल्टेज सामन्यादरम्यान घडलेल्या एका घटनेमुळे डेव्हिडला (IPL 2026 Final Tim David) मोठी किंमत मोजावी लागली आहे.

Virushka Dance Video : RCB चा ऐतिहासिक विजय! विजयानंतरचा विराट - अनुष्काचा डान्स व्हिडीओ होतोय व्हायरल

अहमदाबाद : रॉयल चॅलेंजर्स बंगळुरूने आयपीएल २०२६चे विजेतेपद पटकावल्यानंतर संपूर्ण क्रिकेटविश्वात जल्लोषाचे वातावरण आहे. मात्र या विजयापेक्षा अधिक ...

नेमकं काय घडलं?

सामन्याच्या पहिल्या डावातील दहाव्या षटकात आरसीबीची महत्त्वाची विकेट पडली. संघावर दबाव वाढलेला असताना डगआउटमध्ये बसलेल्या टिम डेव्हिडने संतापाच्या भरात बर्फाची पिशवी (Ice Pack) जोरात फेकली. ही पिशवी पंच नितीन मेनन यांच्या दिशेने गेल्याचे सामनाधिकारींच्या अहवालात नमूद करण्यात आले आहे. (IPL 2026 Final Tim David)

या कृतीला आयपीएल आचारसंहितेच्या कलम २.९ अंतर्गत गंभीर उल्लंघन मानण्यात आले. या कलमानुसार सामन्यादरम्यान खेळाडू, पंच, सामनाधिकारी किंवा इतर कोणत्याही व्यक्तीच्या दिशेने क्रिकेट साहित्य अथवा इतर वस्तू अयोग्य किंवा धोकादायक पद्धतीने फेकणे हा दंडनीय गुन्हा आहे. (IPL 2026 Final Tim David)

Cricket : आयसीसीच्या निर्णयामुळे क्रिकेट बदलणार, खेळातली चुरस आणखी वाढणार

दुबई : आयसीसीने क्रिकेटच्या निवडक नियमांमध्ये बदल करण्याचा निर्णय घेतला आहे. या बदलांमुळे क्रिकेटमधील चुरस आणखी वाढणार आहे. कसोटी क्रिकेटमध्ये ...

आरोप मान्य, शिक्षाही स्वीकारली :

या प्रकरणाची सुनावणी सामनाधिकारी आणि माजी भारतीय क्रिकेटपटू जवागल श्रीनाथ यांनी केली. टिम डेव्हिडने आपल्यावरील आरोप मान्य केले असून त्याने शिक्षेविरोधात कोणताही आक्षेप नोंदवला नाही. त्यामुळे त्याच्यावर ५० टक्के सामना शुल्क दंड आणि दोन डिमेरिट पॉइंट्सची कारवाई करण्यात आली. (IPL 2026 Final Tim David)

पुढील हंगामात बसू शकतो फटका :

आयपीएलच्या शिस्तभंग नियमांनुसार एखाद्या खेळाडूच्या खात्यात एकूण पाच डिमेरिट पॉइंट्स जमा झाल्यास त्याच्यावर एका सामन्याची बंदी लागू शकते. टिम डेव्हिडच्या खात्यात आता दोन डिमेरिट पॉइंट्स जमा झाले आहेत. भविष्यात आणखी अशाच प्रकारचे उल्लंघन झाल्यास त्याला निलंबनाचा सामना करावा लागू शकतो. (IPL 2026 Final Tim David)

याशिवाय, स्पर्धेच्या नियमांनुसार काही शिस्तभंग कारवायांचा परिणाम पुढील हंगामावरही होऊ शकतो. त्यामुळे आयपीएल २०२७ मध्ये टिम डेव्हिड ज्या फ्रँचायझीकडून खेळेल, त्या संघाच्या सुरुवातीच्या सामन्यांवर याचा परिणाम होण्याची शक्यता व्यक्त केली जात आहे. (IPL 2026 Final Tim David)

Team India's international cricket schedule : टीम इंडिया आंतरराष्ट्रीय क्रिकेटसाठी सज्ज, पुढील सामन्यांचे वेळापत्रक जाणून घ्या

Team India's international cricket schedule : आयपीएल स्पर्धेचं 19वं पर्व मोठ्या दिमाखात पार पडलं आहे. वर्ष 2026 च्या सुरूवातीला वुमन्स प्रीमियर लीग स्पर्धेत रॉयल चॅलेंजर्स बंगळुरू ...

RCBच्या विजयानंतरही चर्चेत डेव्हिड :

आयपीएल २०२६ च्या अंतिम सामन्यात आरसीबीने ऐतिहासिक कामगिरी करत विजेतेपद पटकावले. मात्र या आनंदोत्सवानंतर टिम डेव्हिडच्या शिस्तभंगाच्या घटनेने क्रिकेटविश्वाचे लक्ष वेधून घेतले आहे. मैदानावरील भावना नियंत्रणात ठेवण्याचे महत्त्व या घटनेतून पुन्हा एकदा अधोरेखित झाले आहे. आरसीबीच्या विजयानंतर संघाचे यश चर्चेत असतानाच टिम डेव्हिडवरील कारवाई ही अंतिम सामन्यानंतरची सर्वाधिक चर्चेची बाब ठरली आहे. (IPL 2026 Final Tim David)