खुशखबर! सोनं-चांदी खरेदी करण्याची आली वेळ; आजचे ताजे दर पाहून ग्राहकांना दिलासा

सोने आणि चांदी खरेदी करणाऱ्यांसाठी आजचा दिवस दिलासादायक ठरला आहे. देशातील सराफा बाजारात २ जून २०२६ रोजी सोन्या-चांदीच्या दरांमध्ये मोठे बदल दिसून आले नाहीत. लग्नसराईचा हंगाम आणि विविध सणांच्या पार्श्वभूमीवर मौल्यवान धातूंची मागणी वाढत असताना दर स्थिर राहिल्याने ग्राहकांना काहीसा दिलासा मिळाला आहे. देशातील प्रमुख शहरांमध्ये सोन्याचे दर जवळपास स्थिर आहेत. राजधानी दिल्लीमध्ये २४ कॅरेट सोन्याचा दर १,५६,३७० रुपये प्रति १० ग्रॅम नोंदवण्यात आला आहे. तर २२ कॅरेट सोन्याचा दर १,४३,३५० रुपये आणि १८ कॅरेट सोन्याचा दर १,१७,३२० रुपये प्रति १० ग्रॅम इतका आहे. मुंबईतील बाजारात आज २४ कॅरेट सोन्याचा दर १,५६,२२० रु. प्रति १० ग्रॅम आहे. २२ कॅरेट सोन्यासाठी १,४३,२०० रुपये मोजावे लागत असून १८ कॅरेट सोन्याचा भाव १,१७,१७० रु. प्रति १० ग्रॅम इतका आहे. चांदीच्या दरांमध्येही विशेष बदल झालेला नाही. दिल्ली आणि मुंबई या दोन्ही शहरांमध्ये १ किलो चांदीचा दर २,८०,००० रुपये आहे. तसेच १०० ग्रॅम चांदीसाठी २८,००० रुपये आणि १० ग्रॅम चांदीसाठी २,८०० रुपये दर कायम आहे. याआधी १ जून रोजी सोन्या-चांदीच्या दरांमध्ये काही प्रमाणात घसरण झाली होती. जागतिक बाजारातील हालचाली, अमेरिकन डॉलरची मजबुती आणि आंतरराष्ट्रीय आर्थिक घडामोडींचा परिणाम भारतीय बाजारावरही झाला होता. मात्र आज दरांमध्ये स्थिरता दिसून आल्याने खरेदीचा विचार करणाऱ्या ग्राहकांना दिलासा मिळाला आहे. तज्ज्ञांच्या मते, आगामी काळात जागतिक बाजारातील घडामोडींवर सोन्या-चांदीच्या दरांची दिशा अवलंबून राहणार आहे. त्यामुळे गुंतवणूकदार आणि ग्राहकांनी बाजारातील बदलांवर लक्ष ठेवणे आवश्यक आहे.