नागपूर : जरीपटका पोलिसांनी अत्यंत नियोजनबद्ध आणि सिनेस्टाईल कारवाई करत उप्पलवाडी परिसरातील एका फ्लॅटमधून तब्बल साडेसात किलो एमडी (MD) ड्रग्ज जप्त केले आहेत. जप्त करण्यात आलेल्या अमली पदार्थांची बाजारातील किंमत चार कोटी रुपयांहून अधिक असल्याचे सांगितले जात आहे. यावर्षी नागपुरात झालेली ही सर्वात मोठी ड्रग्जविरोधी कारवाई मानली जात आहे.
या प्रकरणी मजहर अली अकबर अली (वय २८, रा. टेकानाका) याला अटक करण्यात आली आहे. शहरात मोठ्या प्रमाणावर एमडी ड्रग्जची खेप येणार असल्याची गोपनीय माहिती (confidential information) पोलिसांना मिळाली होती. त्यानंतर संभाव्य ड्रग्ज तस्करांच्या हालचालींवर विशेष लक्ष ठेवण्यात आले होते.
हरियाणा : हरियाणातील पंचकुला येथे असलेल्या संरक्षण संशोधन आणि विकास संघटनेच्या (DRDO) टर्मिनल बॅलिस्टिक्स रिसर्च लॅबोरेटरी (TBRL) मध्ये रविवारी करण्यात ...
मजहर हा या रॅकेटमध्ये सहभागी असल्याची खात्रीलायक माहिती मिळाल्यानंतर पोलिसांनी त्याचा पाठलाग करून उप्पलवाडी परिसरातून ताब्यात घेतले. चौकशीत तो एका निवासी संकुलातील फ्लॅटमध्ये राहत असल्याचे समोर आले. पोलिसांनी फ्लॅटची झडती घेतली असता प्लास्टिकच्या पिशव्यांमध्ये साठवून ठेवलेली साडेसात किलो एमडी पावडर आढळून आली. एवढ्या मोठ्या प्रमाणातील ड्रग्जचा साठा पाहून पोलिसांनाही धक्का बसला. त्यानंतर पंचनामा करून सर्व अमली पदार्थ जप्त करण्यात आले.
या कारवाईनंतर नागपुरातील ड्रग्ज तस्करांमध्ये खळबळ उडाली असून या साठ्याचा स्रोत आणि मुख्य सूत्रधाराचा शोध सुरू असल्याची माहिती परिमंडळ सहाचे उपायुक्त डॉ. संदीप पखाले यांनी दिली.
दोन दिवसांपासून पोलिसांचे गुप्त पाळत अभियान
सूत्रांच्या माहितीनुसार, आरोपी मजहरचा मागील दोन दिवसांपासून सातत्याने शोध घेतला जात होता. जरीपटका पोलीस ठाण्यातील आशीष मोरखडे यांच्या नेतृत्वाखालील डीबी (Detection Branch) पथक त्याच्या हालचालींवर बारकाईने नजर ठेवून होते.
मुंबई : मुंबई (Mumbai) महानगर प्रदेश विकास प्राधिकरण (एमएमआरडीए) (MMRDA) यांच्या महत्त्वाकांक्षी सांताक्रूझ-चेंबूर लिंक रोड (SCLR) विस्तार प्रकल्पातील दुसरा टप्पा ...
मजहर संबंधित फ्लॅटमध्ये आपल्या प्रेयसीसोबत राहत असल्याची माहिती तपासात समोर आली. पोलिसांनी तिचीही चौकशी केली. मात्र तिच्याकडून तपासासाठी उपयुक्त अशी कोणतीही महत्त्वाची माहिती मिळालेली नाही. सध्या पोलिसांकडून आरोपीचे बँक खाते (bank account), मोबाईल डेटा (mobile data), व्हॉट्सअॅप चॅट्स (WhatsApp chats) तसेच इतर भौतिक पुरावे (physical evidence) तपासले जात आहेत.
ड्रग्जची खेप दिल्लीतून आल्याचा संशय
जप्त करण्यात आलेल्या एमडी ड्रग्जचा साठा नेमका कुठून आणण्यात आला याचा तपास सुरू आहे. प्राथमिक माहितीनुसार, एका महिलेच्या माध्यमातून ही खेप मजहरपर्यंत पोहोचवण्यात आली होती. हा साठा आंतरराज्यीय ड्रग्ज रॅकेटचा भाग असल्याचा संशय व्यक्त केला जात आहे. सूत्रांच्या माहितीनुसार, दिल्ली किंवा उत्तर भारतातील इतर राज्यांतून मोठ्या प्रमाणावर एमडी ड्रग्ज रस्तेमार्गे नागपुरात आणण्यात आले असावेत. मात्र याबाबत अद्याप अधिकृत पुष्टी झालेली नाही. ही ड्रग्जची खेप नागपूर आणि विदर्भातील विविध भागांमध्ये पेडलर्स (peddlers) तसेच कुरिअर नेटवर्क (courier network) यांच्या माध्यमातून पुरवली जाणार होती. संशय टाळण्यासाठी हा संपूर्ण साठा निवासी परिसरातील फ्लॅटमध्ये लपवून ठेवण्यात आला होता.
