नवी दिल्ली : दिल्ली पोलिसांच्या स्पेशल सेलने मोठी कारवाई करत पाकिस्तानची गुप्तचर संस्था आयएसआय, दाऊद इब्राहिम गँग आणि शहजाद भट्टी नेटवर्कशी संबंधित आठ आरोपींना अटक केली आहे. पोलिसांच्या माहितीनुसार, आरोपींकडून पाकिस्तानमध्ये तयार केलेली शस्त्रे, ग्रेनेड आणि स्फोटके जप्त करण्यात आली आहेत.तपास यंत्रणांच्या म्हणण्यानुसार, हे मॉड्यूल दिल्ली, मुंबई, पंजाब आणि चंदीगडमधील प्रमुख धार्मिक स्थळे, सरकारी इमारती, मंत्रालये आणि सुरक्षा दलांना लक्ष्य करण्याचा कट रचत होते. पोलिसांचे म्हणणे आहे की हे नेटवर्क दीर्घकाळापासून सक्रिय होते आणि योजनाबद्ध पद्धतीने हल्ल्यांची तयारी करत होते.अटकेतील आरोपींमध्ये उत्तर प्रदेशातील विजय उर्फ शूटर, झारखंडचा नितीश पासवान, महाराष्ट्रातील तौकीर रिझवान अहमद शेख आणि साजिद महबूब शेख उर्फ अरबाज खान, पंजाबचे हरविंदर सिंग, गगनदीप सिंग आणि मनजीत सिंग तसेच नेपाळचा नागरिक आंग कामी लामा यांचा समावेश आहे.पोलिसांच्या माहितीनुसार, विजय उर्फ शूटर याला दिल्ली, पंजाब, हरियाणा, राजस्थान आणि उत्तर प्रदेशमध्ये दहशतवादी व गुन्हेगारी कारवाया चालवण्याची जबाबदारी देण्यात आली होती. तसेच दिल्ली-एनसीआरमध्ये युवकांची भरती करून त्यांना या नेटवर्कशी जोडण्याचे कामही त्याच्याकडे होते.
मुंबई, दि. ३० : पुणे आणि पिंपरी-चिंचवड परिसरातील फुगेवाडी, दापोडी आणि हडपसर येथे विषारी गावठी दारूच्या सेवनामुळे १८ जणांचा मृत्यू झाल्याच्या ...
स्पेशल सेलने विजयला १४ मे रोजी पुण्यातून आणि त्याचा सहकारी नितीश पासवानला 17 मे रोजी झारखंडच्या साहिबगंजमधून अटक केली. तपासात समोर आले की दोघांची भरती मुंबईतील हुजैफा नावाच्या व्यक्तीने केली होती, जो सध्या फरार आहे.विजयच्या चौकशीनंतर पोलिसांनी २७ मे रोजी मुंबईतून तौकीर रिझवान अहमद शेख आणि साजिद महबूब शेख उर्फ अरबाज खान यांना अटक केली. तपासात असेही उघड झाले की हे दोघे आयएसआयशी संबंधित हँडलर यावर खान आणि मुन्ना झिंगाडा यांच्या संपर्कात होते.मुंबईतील आरोपींकडून मिळालेल्या माहितीनंतर पोलिसांना पंजाबमधून एक टीम दिल्लीला येणार असल्याची माहिती मिळाली. त्यानंतर स्पेशल सेलने महरौली–बदरपूर रोडवर कारवाई करत हरविंदर सिंग, गगनदीप सिंग आणि मनजीत सिंग यांना अटक केली.
पोलादपूर: मुंबई-गोवा महामार्गावर पुन्हा एकदा भीषण अपघाताची घटना घडली आहे. पोलादपूरजवळ झालेल्या या अपघातात दोन जणांचा जागीच मृत्यू झाला आहे. तर एक जण ...
तपासादरम्यान नेपाळचा नागरिक आंग कामी लामा यालाही अटक करण्यात आली. तो दिल्लीत आरोपींसाठी निवासव्यवस्था आणि आर्थिक व्यवहार सांभाळत असल्याचे समोर आले आहे.स्पेशल सेलच्या तपासात असेही स्पष्ट झाले की संपूर्ण मॉड्यूल पाकिस्तानस्थित अंडरवर्ल्ड ऑपरेटिव्ह मुन्ना झिंगाडा, शहजाद भट्टी आणि इतर ISIशी संबंधित घटकांच्या संपर्कात कार्यरत होते.पोलिसांचे म्हणणे आहे की मुन्ना झिंगाडा हा दाऊद इब्राहिमचा जवळचा सहकारी होता आणि सन २००० मध्ये बँकॉकमध्ये छोटा राजनवरील हल्ल्यात त्याचा सहभाग होता. नंतर तो सुमारे १७ वर्षे थायलंडच्या तुरुंगात होता.आंग कामी लामा २००१ ते २०१८ या काळात थायलंडमध्ये अंमली पदार्थ प्रकरणात तुरुंगात होता. याच काळात त्याची भेट मुन्ना झिंगाडा आणि इतर पाकिस्तानी नागरिकांशी झाली होती. सुटका झाल्यानंतरही तो त्यांच्या संपर्कात राहिला. अधिकाऱ्यांनी ही कारवाई मोठे यश असल्याचे सांगत संभाव्य दहशतवादी कट वेळेत उधळल्याचे स्पष्ट केले आहे. अटक केल्यानंतर संवेदनशील ठिकाणांची सुरक्षा वाढवण्यात आली असून, तपास यंत्रणा या नेटवर्कचा विस्तार आणि सीमापार संबंधांचा सखोल तपास करत आहेत.-
