New Rules From June 1 : १ जूनपासून सर्वसामान्यांच्या खिशावर होणार परिणाम! LPG, ATM पासून ते PAN पर्यंत ‘हे’ ७ मोठे नियम बदलणार

May 29, 2026 06:26 PM

मुंबई : १ जून २०२६ पासून देशभरात अनेक महत्त्वाचे आर्थिक आणि दैनंदिन व्यवहारांशी संबंधित नियमांमध्ये बदल होणार आहेत. या बदलांचा थेट परिणाम सर्वसामान्य नागरिकांच्या खिशावर, बँकिंग व्यवहारांवर आणि घरगुती बजेटवर होण्याची शक्यता आहे. मिळालेल्या माहितीनुसार, एलपीजी गॅस सिलेंडरच्या किमतींपासून ते एटीएम, यूपीआय व्यवहार, पॅन कार्ड नियम आणि रेल्वे सेवांपर्यंत अनेक क्षेत्रांमध्ये नवीन नियम लागू होणार आहेत. (New Rules From June 1)

डिजिटल व्यवहारांमध्ये सर्वात मोठा बदल :

यूपीआय व्यवहार अधिक सुरक्षित करण्यासाठी एनपीसीआयकडून नवीन ‘व्हेरिफाइड नेम’ सिस्टीम लागू केली जाणार आहे. या नियमानुसार, पैसे पाठवताना समोरच्या व्यक्तीचे केवळ बँकेत नोंद असलेले अधिकृत नावच दिसेल. त्यामुळे बनावट नाव, निकनेम किंवा फेक आयडी वापरून होणारी फसवणूक रोखण्यास मदत होणार आहे. डिजिटल पेमेंटमध्ये पारदर्शकता वाढवण्याच्या दृष्टीने हा निर्णय महत्त्वाचा मानला जात आहे. (New Rules From June 1)

PPF Investment : PPF मध्ये गुंतवणुकीची ‘ही’ तारीख ठरते फायदेशीर! एका छोट्या नियमामुळे मिळू शकतो जास्त व्याज

पब्लिक प्रोव्हिडंट फंड म्हणजेच PPF हा दीर्घकालीन आणि सुरक्षित गुंतवणुकीचा लोकप्रिय पर्याय मानला जातो. करसवलत, हमीदार परतावा आणि कंपाउंडिंगचा फायदा ...

गॅस सिलेंडरच्या किंमती बदलणार :

एलपीजी गॅस सिलेंडरच्या किमतीतही बदल होण्याची शक्यता आहे. मे महिन्यात व्यावसायिक गॅस सिलेंडरच्या दरात मोठी वाढ झाली होती. त्यामुळे व्यापाऱ्यांवर अतिरिक्त आर्थिक भार पडला होता. तेल कंपन्या प्रत्येक महिन्याच्या पहिल्या दिवशी दरांचा आढावा घेत असल्याने १ जूनपासून नवीन दर लागू होऊ शकतात. घरगुती गॅस सिलेंडरच्या किमतीत बदल होणार का, याकडे सर्वसामान्यांचे लक्ष लागले आहे. (New Rules From June 1)

तब्बल ७७ रेल्वे गाड्या होणार रद्द :

दरम्यान, रेल्वे प्रवाशांनाही जून महिन्यात मोठ्या अडचणींचा सामना करावा लागू शकतो. ट्रॅक अपग्रेडेशन आणि देखभाल कामांमुळे देशभरात अनेक रेल्वे मार्गांवर ब्लॉक घेण्यात येणार असून तब्बल ७७ गाड्या रद्द राहणार आहेत. महाराष्ट्र, गुजरात आणि मध्य प्रदेशसह अनेक राज्यांमधील रेल्वे सेवांवर त्याचा परिणाम होणार आहे. काही सुपरफास्ट आणि दुरंतो एक्सप्रेसच्या वेळापत्रकातही बदल करण्यात आले आहेत. (New Rules From June 1)

Bank Holidays in June 2026 : जूनमध्ये बँकांना तब्बल ११ दिवस सुट्टी; व्यवहारांपूर्वी ‘ही’ यादी नक्की तपासा

मुंबई : मे महिना संपत आला असून सोमवारपासून जून महिन्याला सुरुवात होत आहे. अशा परिस्थितीत बँकेतील महत्त्वाची कामे करण्याचे नियोजन करत असाल, तर जून ...

पॅन कार्ड नियमांमध्येही मोठा बदल :

आयकर विभागाने पॅन कार्ड नियमांमध्येही मोठा बदल केला आहे. आता एका दिवसात बँकेत ५० हजार रुपयांपेक्षा जास्त रक्कम जमा करण्यासाठी पॅन कार्ड देण्याची सक्ती राहणार नाही. मात्र, ४५ लाख रुपयांपेक्षा जास्त किमतीच्या मालमत्ता व्यवहारांमध्ये पॅन कार्ड अनिवार्य असेल. तसेच जुन्या ‘फॉर्म ६०’च्या जागी आता नवीन ‘फॉर्म ९७’ लागू केला जाणार आहे. मोठ्या आर्थिक व्यवहारांवर कर विभागाचे लक्ष अधिक कडक होणार असल्याचे संकेत मिळत आहेत. (New Rules From June 1)

सोलर क्षेत्रातही नवीन आणि कडक नियम लागू :

याशिवाय, सरकार सोलर क्षेत्रातही नवीन आणि कडक नियम लागू करण्याच्या तयारीत आहे. १ जूनपासून सरकारी योजनांअंतर्गत फक्त प्रमाणित आणि अधिकृत यादीतील सोलर मॉड्यूल्स व सेल्स वापरण्याची परवानगी असेल. ‘मेक इन इंडिया’ला चालना देण्यासाठी हा निर्णय घेतल्याचे सरकारचे म्हणणे आहे. मात्र, यामुळे सोलर पॅनेलच्या किमती वाढण्याची शक्यता व्यक्त केली जात आहे. (New Rules From June 1)

Stock Market : अस्थिरतेनंतर शेअर बाजारात तेजी; आयटी शेअर्सची जोरदार मुसंडी

नवी दिल्ली : देशांतर्गत शेअर बाजारात (Stock Market) शुक्रवारी सकाळच्या सत्रात मोठी चढ-उताराची स्थिती पाहायला मिळाली. व्यवहाराच्या सुरुवातीलाच बाजारात ...

एफडीच्या व्याजदरांमध्ये बदल होण्याची शक्यता :

बँकिंग क्षेत्रातही मोठे बदल दिसू शकतात. एटीएम व्यवहारांवरील शुल्क, मोफत पैसे काढण्याची मर्यादा आणि एफडीच्या व्याजदरांमध्ये बदल होण्याची शक्यता आहे. काही बँकांनी दैनंदिन कॅश लिमिटमध्ये आधीच बदल केले असून ग्राहकांनी आपल्या बँकेच्या सूचना वेळोवेळी तपासणे गरजेचे ठरणार आहे. (New Rules From June 1)