पंजाब किंग्स आयपीएल 2026 मधून बाहेर पडल्यानंतर कर्णधार श्रेयस अय्यरची बहीण श्रेष्ठा अय्यर सोशल मीडियावर जोरदार ट्रोल होत आहे. अखेर या संपूर्ण वादावर श्रेष्ठाने मौन सोडल आहे. श्रेष्ठाने सोशल मिडीयवर प्रतिक्रिया देत ट्रोलर्सवर संताप व्यक्त केला आहे. श्रेष्ठा अय्यरने सांगितले की, तिने बनवलेला व्हिडीओ हा केवळ मजेशीर होता, कोणत्याही संघाचा किंवा खेळाडूचा अपमान करण्याचा हेतू नव्हता. मी फक्त माझ्या भावाच्या संघाला पाठिंबा देत होते. याचा अर्थ असा नाही की मी इतर संघांशी ईर्ष्या करते, असे ती म्हणाली.
मात्र या व्हिडीओनंतर काही लोकांनी तिला सोशल मीडियावर अश्लील मेसेज पाठवण्यास सुरुवात केली. इतकेच नाही तर तिच्या कामाच्या ठिकाणी फोन करूनही अपमानास्पद भाषा वापरण्यात आली असा दावा तिने केला. प्रत्येक गोष्टीला मर्यादा असते आणि काही लोकांनी त्या सर्व मर्यादा ओलांडल्या आहेत. असे म्हणत श्रेष्ठाने ट्रोलर्सवर निशाणा साधला आहे.
नेमकं प्रकरण काय ?
हा वाद केकेआर विरुद्ध पंजाब सामन्यानंतर सुरू झाला होता. सामना पावसामुळे रद्द झाल्यानंतर श्रेष्ठाने पंजाबी लोकांचे मन मोठे असते, हा तुझ्यासाठी एक गुण, असा मजेशीर व्हिडीओ पोस्ट केला होता. मात्र चाहत्यांनी त्याचा चुकीचा अर्थ काढत तिला लक्ष्य केले. नंतर वाढत्या ट्रोलिंगमुळे श्रेष्ठाने तो व्हिडीओ डिलीट केला. यामुळे श्रेयस अय्यरची बहिण सध्या चर्चेत आहे.