पुणे : नीट (NEET) पेपरफुटी प्रकरणात आता आणखी एक धक्कादायक आणि चक्रावून टाकणारा खुलासा समोर आला आहे. केंद्रीय तपास संस्था सीबीआय (CBI) ने या प्रकरणात आणखी एका प्राध्यापिकेला अटक केली असून, मनीषा हवलदार असं या महिलेचं नाव आहे. विशेष म्हणजे, पुण्यातून या प्रकरणात अटक होणारी ‘मनीषा’ नावाची ही तिसरी महिला ठरली आहे. त्यामुळे नीट स्कॅम (NEET Scam) मधील हा अजब योगायोग सध्या चर्चेचा विषय ठरत आहे.
मुंबई : महागाईनं सर्वसामान्य नागरिक त्रस्त असतानाच आता इंधन दरवाढीचा (Fuel Price Hike) आणखी एक मोठा धक्का बसला आहे. अवघ्या १० दिवसांत तिसऱ्यांदा ...
मिळालेल्या माहितीनुसार, मनीषा हवलदार या फिजिक्स (Physics) विषयाच्या प्राध्यापिका असून त्या एनटीए (NTA) म्हणजेच नॅशनल टेस्टिंग एजन्सीकडून (National Testing Agency) पेपर सेटिंग प्रक्रियेत एक्स्पर्ट (Expert) म्हणून कार्यरत होत्या. नीट (NEET) परीक्षेसाठी तयार करण्यात आलेल्या फिजिक्स प्रश्नपत्रिकेतील प्रश्नांपर्यंत त्यांना थेट अॅक्सेस (Access) होता. तपासादरम्यान मनीषा हवलदार यांनी यापूर्वी अटक करण्यात आलेल्या मनीषा मांढरे हिला फिजिक्सचे प्रश्न पुरवल्याचा गंभीर आरोप समोर आला आहे.
सीबीआय (CBI) तपासात धक्कादायक बाब उघड झाली असून, लीक (Leak) करण्यात आलेले फिजिक्स प्रश्न आणि नीट (NEET) परीक्षेतील मूळ प्रश्न हे तंतोतंत जुळत असल्याचं स्पष्ट झालं आहे. त्यामुळे या पेपर लीक रॅकेटचं (Paper Leak Racket) जाळं किती खोलवर पसरलं आहे, याचा तपास आता अधिक वेगाने सुरू करण्यात आला आहे.
मुंबई : मध्य रेल्वेच्या मुंबई विभागाकडून रविवारी विविध अभियांत्रिकी आणि देखभाल कामांसाठी उपनगरीय मार्गांवर मेगा ब्लॉक परीचालीत करणार आहे. मेन ...
मनीषा हवलदार या पुण्यातील शेठ हिरालाल सराफ प्रशाला येथे कार्यरत होत्या. त्या फिजिक्स (Physics) विषयातील तज्ज्ञ प्राध्यापिका मानल्या जात होत्या. दुसरीकडे, यापूर्वी अटक करण्यात आलेली मनीषा मांढरे ही बायोलॉजी (Biology) विषयाची प्राध्यापिका होती. या दोघी एकमेकींच्या संपर्कात असल्याचं तपासात समोर आलं आहे. नीट (NEET) पेपरमधील संवेदनशील प्रश्नांची देवाणघेवाण दोघींमध्ये झाल्याचा संशय सीबीआय (CBI) ने व्यक्त केला आहे.
या प्रकरणात याआधी ब्युटी पार्लर (Beauty Parlour) चालवणारी मनीषा वाघमारे हिलादेखील अटक करण्यात आली होती. तपास यंत्रणांच्या माहितीनुसार, पेपरफुटीच्या साखळीत या तिन्ही मनीषांचा थेट किंवा अप्रत्यक्ष सहभाग असल्याचा संशय व्यक्त केला जात आहे. त्यामुळे “तीन मनीषांचा नीट कनेक्शन (NEET Connection)” हा तपासाचा नवा केंद्रबिंदू ठरत आहे.
मुख्यमंत्र्यांचे निर्देश; जमीन वाटप आणि परवानग्या तीन महिन्यांत पूर्ण करण्याचे आदेश मुंबई : स्वित्झर्लंडच्या दावोस येथील जागतिक आर्थिक परिषदेत ...
सीबीआय (CBI) ने मनीषा हवलदार हिला थेट पुण्यातून ताब्यात घेतलं असून तिची सध्या कसून चौकशी सुरू आहे. या चौकशीतून आणखी काही मोठी नावं आणि शिक्षण क्षेत्रातील धक्कादायक कनेक्शन (Connection) समोर येण्याची शक्यता तपास यंत्रणांकडून व्यक्त केली जात आहे. विद्यार्थ्यांच्या भवितव्याशी खेळ करणाऱ्या या नीट पेपर लीक रॅकेटचा (NEET Paper Leak Racket) विस्तार देशभरात किती मोठा आहे, याचाही शोध सीबीआय (CBI) घेत आहे.
आतापर्यंत या प्रकरणात नाशिक, अहिल्यानगर, पुणे, लातूर, दिल्ली, जयपूर आणि गुरुग्राम अशा विविध शहरांमधून आरोपींना अटक करण्यात आली आहे. याआधी दहा जणांना अटक झाली होती. त्यानंतर आता फिजिक्स (Physics) प्राध्यापिका मनीषा हवलदार हिची अटक करण्यात आली असून, या प्रकरणातील ही अकरावी अटक ठरली आहे. विशेष म्हणजे, अटक करण्यात आलेल्या आरोपींपैकी सात आरोपी महाराष्ट्रातील असून चार आरोपी हे इतर राज्यांतील आहेत.
ओडिशा : भारताने आपल्या सामरिक क्षमतेत आणखी एक महत्त्वपूर्ण टप्पा गाठला आहे. ओडिशातील एकात्मिक चाचणी श्रेणी चंदीपूर (Integrated Test Range Chandipur) येथे आज म्हणजेच ...
दरम्यान, या प्रकरणात केमिस्ट्री (Chemistry) विषयाचे निवृत्त प्राध्यापक पी. व्ही. कुलकर्णी यांनाही अटक करण्यात आली आहे. तपासादरम्यान ते मनीषा मांढरे हिच्या संपर्कात असल्याचं उघड झालं आहे. पुण्यातील त्यांच्या निवासस्थानी निवडक विद्यार्थ्यांना खासगी शिकवणी दिली जात असल्याची माहिती तपासातून समोर आली आहे.
याशिवाय, पी. व्ही. कुलकर्णी यांचे लातूर येथील आरसीसी क्लासेस (RCC Classes) चे संचालक शिवराज मोटेगावकर याच्यासोबतही संबंध असल्याचं तपासात स्पष्ट झालं आहे. शिवराज मोटेगावकर याचाही नीट पेपरफुटीत (NEET Paper Leak) सहभाग असल्याचा संशय असून, सीबीआय (CBI) ने त्यालादेखील अटक केली आहे. त्यामुळे देशातील सर्वात मोठ्या शैक्षणिक घोटाळ्यांपैकी एक मानल्या जाणाऱ्या या नीट स्कॅममध्ये (NEET Scam) दररोज नवे धक्कादायक खुलासे समोर येत आहेत.
