Akola City Hospital Fire : अकोल्यातील सिटी हॉस्पिटलमध्ये आग; ICUमध्ये धूर तर बाहेर नातेवाईकांची गर्दी, मोठी दुर्घटना टळली

अकोला : अकोल्यातील रामदासपेठ परिसरात आज म्हणजेच गुरुवार २१ मे दुपारी मोठी खळबळ उडाली. शहरातील प्रसिद्ध ‘सिटी हॉस्पिटल’ला अचानक भीषण आग लागल्याने खळबळ उडाली. गजबजलेल्या मध्यवर्ती भागात असलेल्या या रुग्णालयातून धुराचे मोठमोठे लोट बाहेर येताना दिसताच परिसरात एकच गोंधळ उडाला. घटनेच्या वेळी हॉस्पिटलमध्ये विविध आजारांवर उपचार घेणारे अनेक रुग्ण दाखल होते. त्यामुळे रुग्ण, त्यांचे नातेवाईक आणि रुग्णालय प्रशासनामध्ये भीतीचे वातावरण निर्माण झाले. (Akola City Hospital Fire)

आगीची माहिती मिळताच हॉस्पिटल प्रशासनाने तातडीने रुग्णांना सुरक्षितस्थळी हलवण्यास सुरुवात केली. डॉक्टर, नर्स, सुरक्षा रक्षक आणि स्थानिक नागरिकांनी जीवाची पर्वा न करता रुग्णांना बाहेर काढण्यासाठी शर्थीचे प्रयत्न केले. विशेषतः अतिदक्षता विभागातील (ICU) गंभीर रुग्णांना स्ट्रेचर आणि व्हीलचेअरच्या सहाय्याने बाहेर काढण्यात आले. काही रुग्णांना ऑक्सिजन सिलेंडरसह बाहेर हलवण्यात आले असल्याची माहिती समोर येत आहे. (Akola City Hospital Fire)

Bandra Encroachment Removal Campaign : वांद्र्यातील दगडफेक प्रकरण तापलं! गरिब नगरमधून १६ जणांना पोलिसांनी ठोकल्या बेड्या

मुंबई : मुंबईतील वांद्रे परिसरातील गरिब नगर येथे झालेल्या दगडफेक प्रकरणात पोलिसांनी मोठी कारवाई करत १६ जणांना अटक केली आहे. परिसरात तणावाचे वातावरण ...

दरम्यान, घटनेची माहिती मिळताच अग्निशमन दलाच्या अनेक गाड्या घटनास्थळी दाखल झाल्या. जवानांकडून आग आटोक्यात आणण्यासाठी युद्धपातळीवर प्रयत्न सुरू आहेत. रुग्णालयाच्या इमारतीत मोठ्या प्रमाणावर धूर पसरल्याने बचावकार्य करताना अग्निशमन कर्मचाऱ्यांना मोठ्या अडचणींचा सामना करावा लागत आहे. पोलिस प्रशासनानेही परिसरात बंदोबस्त वाढवत नागरिकांना सुरक्षित अंतर राखण्याचे आवाहन केले आहे. (Akola City Hospital Fire)

प्राथमिक माहितीनुसार, आग शॉर्ट सर्किटमुळे लागल्याची शक्यता वर्तवली जात आहे. मात्र, नेमके कारण अद्याप स्पष्ट झालेले नाही. आग लागल्यानंतर काही वेळ परिसरातील वीजपुरवठाही खंडित करण्यात आला होता. आगीमुळे हॉस्पिटलमधील काही उपकरणांचे आणि आतील विभागांचे नुकसान झाल्याची भीती व्यक्त केली जात आहे. (Akola City Hospital Fire)

Hardik Pandya : मुंबई इंडियन्सला मोठा धक्का ! हार्दिक पांड्यावर बीसीसीआयची कारवाई

Bcci Action : आयपीएल २०२६ मध्ये काल (बुधवार २० मे २०२६) मुंबई इंडियन्स विरुद्ध कोलकाता नाईट रायडर्स यांच्यात रोमांचक सामना झाला. या सामन्यात केकेआरने चार ...

घटनेनंतर रुग्णालयाबाहेर रुग्णांच्या नातेवाईकांनी मोठी गर्दी केली होती. आपल्या नातेवाईकांची सुरक्षितता जाणून घेण्यासाठी अनेकांची धावपळ सुरू होती. काही नातेवाईकांनी प्रशासनाकडून तत्काळ माहिती न मिळाल्याबद्दल नाराजीही व्यक्त केली. (Akola City Hospital Fire)

सुदैवाने, आतापर्यंत कोणतीही जीवितहानी झाल्याची अधिकृत माहिती समोर आलेली नाही. मात्र, काही रुग्णांना धुराचा त्रास झाल्याने त्यांना इतर रुग्णालयात हलवण्यात आल्याचे सांगितले जात आहे. आग पूर्णपणे विझल्यानंतरच नुकसानाचे नेमके स्वरूप स्पष्ट होणार आहे. (Akola City Hospital Fire)

Weather Update IMD Alert : पुढील १५ तास धोक्याचे! १७ राज्यांमध्ये वादळी पाऊस, तर उत्तर भारतात उष्णतेचा कहर

उत्तर भारतात उष्णतेची तीव्र लाट सुरू असतानाच भारतीय हवामान विभागाने (IMD) देशातील १७ राज्यांसाठी मोठा हवामान इशारा जारी केला आहे. पुढील १५ ते १६ तासांत ...

या घटनेमुळे अकोला शहरात एकच खळबळ उडाली असून, खासगी रुग्णालयांतील अग्निसुरक्षा व्यवस्थेवर पुन्हा प्रश्नचिन्ह उपस्थित झाले आहे. प्रशासनाकडून या घटनेची चौकशी सुरू करण्यात आली असून, सुरक्षा नियमांचे पालन झाले होते का, याचाही तपास केला जाणार आहे. (Akola City Hospital Fire)