Shooting at Islamic center in US : अमेरिकेत इस्लामिक सेंटरमध्ये गोळीबारात तिघांचा मृत्यू

वॉशिंग्टन : कॅलिफोर्नियातील सॅन दिएगो येथील इस्लामिक सेंटर कॅम्पसमधील मशिदीजवळ सोमवारी झालेल्या गोळीबारात तीन जण ठार झाले. हा हल्ला दोन अल्पवयीन बंदूकधाऱ्यांनी केल्याचा दावा केला जात आहे. त्यानंतर त्यांनी जवळच्याच रस्त्यावर स्वतःवर गोळी झाडून आत्महत्या केली. माहिती मिळाल्यानंतर पोलीस इस्लामिक सेंटरमध्ये दाखल झाले आणि त्यांनी रहिवाशांना काही काळासाठी घरातच थांबण्याचा सल्ला दिला. सॅन दिएगोचे पोलीस प्रमुख स्कॉट वॉल यांनी या घटनेला दुजोरा दिला. (Shooting at Islamic center in US)

वरिष्ठ पोलीस अधिकारी स्कॉट वॉल यांनी सांगितले की, जवळच एका गाडीत दोन संशयित हल्लेखोर मृतावस्थेत आढळले. संशयित १७ आणि १८ वर्षांचे आहेत. वॉल यांनी सांगितले की, या घटनेची द्वेषपूर्ण गुन्हा म्हणून चौकशी केली जात आहे. सॅन दिएगो येथील इस्लामिक सेंटरचे इमाम ताहा हसन यांनी लोकांना द्वेष सोडून सलोख्याने राहण्याचे आवाहन केले आहे. या संकुलात एक मदरसा (शाळा) देखील आहे. गोळीबाराच्या वेळी तेथे मुले शिकत होती. गोळीबारामुळे आवारात गोंधळ निर्माण झाला. (Shooting at Islamic center in US)

Mayor Ritu Tawde : स्थानिक नागरिकांच्या सूचना आणि संकल्पना लक्षात घेऊन उद्यानांचा विकास करा

- एन विभागातील उद्यान कामांचा महापौर रितू तावडे यांनी घेतला आढावा मुंबई (विशेष प्रतिनिधी) मुंबईतील उद्याने ही मुंबईकरांच्या विश्रांतीची, मनोरंजनाची ...

सॅन दिएगोचे पोलीस प्रमुख स्कॉट वॉल यांनी सांगितले की, हल्ल्याची पहिली माहिती सकाळी ११:४३ च्या सुमारास मिळाली. घटनेच्या दोन तास आधी, एका महिलेने तिचा मुलगा हरवल्याची तक्रार केली. तिने सांगितले की, त्याच्याकडे अनेक शस्त्रे होती. त्याची गाडीही गायब होती. त्यांनी सांगितले की, इस्लामिक सेंटरला कोणत्याही प्रकारची धमकी मिळाली नव्हती. या घटनेचा सर्व बाजूंनी तपास केला जात आहे. इस्लामिक सेंटरचे इमाम, ताहा यांनी एका पत्रकार परिषदेत सांगितले की, संपूर्ण मुस्लिम समाज शोकसागरात बुडाला आहे. ते म्हणाले, "अशी घटना घडेल अशी आम्ही कधीच अपेक्षा केली नव्हती." (Shooting at Islamic center in US)

BMC News : उपनगरातील महापालिकेच्या ५ रुग्णालयांमध्ये रक्तपेढ्या

- खासगी सहभाग तत्वावर रुग्णालयांमध्ये ब्लड बँककरता संस्थांची निवड मुंबई (विशेष प्रतिनिधी) मुंबई महानगरपालिकेच्या उपनगरीय रुग्णालयांमध्ये रक्त ...

A shooting has taken place at the largest Islamic center in San Diego, USA Three people were killed, including a security guard. Five others were injured. According to police, the attack is being treated as a hate crime. Anti-Islamic graffiti and a note containing racist… pic.twitter.com/8Yd00E3nUh

— NEXTA (@nexta_tv) May 19, 2026

या हल्ल्यात इस्लामिक सेंटरचा एक रक्षकही ठार झाला. पोलिसांनी त्याची ओळख उघड करण्यास नकार दिला. सॅन दिएगोचे महापौर टॉड ग्लोरिया यांनी सांगितले की, आता प्रार्थनास्थळांच्या संरक्षणासाठी पोलीस तैनात केले जातील. कॅलिफोर्नियाचे गव्हर्नर गॅविन न्यूजम म्हणाले की, सॅन दिएगोमधील इस्लामिक सेंटरमधील घटनेने त्यांना धक्का बसला आहे. कॅलिफोर्नियामध्ये द्वेषाला स्थान नाही. धार्मिक समुदायांवरील हिंसाचार सहन केला जाणार नाही. (Shooting at Islamic center in US)

Seven Hills Hospital : सेव्हनहिल्स रुग्णालय पुन्हा खासगी संस्थेचाच ताब्यात

- भाडेकरार करण्याचा प्रस्ताव सुधार समितीत सादर मुंबई (विशेष प्रतिनिधी) मुंबई महापालिकेच्यावतीने खासगी सहभाग तत्वावर देण्यात आलेले मरोळ येथील ...

अमेरिकेत यापूर्वीही प्रार्थनास्थळांवर हल्ले झाले आहेत. या वर्षाच्या सुरुवातीला मिशिगनमधील एका सिनेगॉगला लक्ष्य करण्यात आले होते. टेम्पल इस्त्रायलने सॅन दिएगो येथील इस्लामिक सेंटरमधील घटनेचा निषेध करणारे एक निवेदन सोशल मीडियावर जारी केले. सिनेगॉगचे रब्बी सध्या वॉशिंग्टनमध्ये आहेत. ते संपूर्ण अमेरिकेतील प्रार्थनास्थळांच्या संरक्षणासाठी निधी गोळा करत आहेत. एक अब्ज डॉलर्स जमा करण्याचे त्यांचे ध्येय आहे. (Shooting at Islamic center in US)