बिहार : बिहारमधील सासाराम जंक्शन रेल्वे स्थानकावर आज पहाटे एक मोठी दुर्घटना टळली. सासारामहून पाटण्याकडे जाणाऱ्या ५३२१२ क्रमांकाच्या सासाराम-पाटणा फास्ट पॅसेंजर गाडीच्या एका डब्याला अचानक भीषण आग लागली. ही घटना पहाटे सुमारे ५:४५ वाजण्याच्या सुमारास फलाट क्रमांक ६ वर उभ्या असलेल्या गाडीत घडली. प्राथमिक माहितीनुसार, शॉर्ट सर्किटमुळे ही आग लागल्याचा अंदाज व्यक्त करण्यात येत आहे.
नांदेड : NEET परीक्षेच्या पेपरफुटी प्रकरणाने देशभरात खळबळ उडालेली असतानाच आता महाराष्ट्रातील नांदेड शहर पुन्हा चर्चेत आले आहे. वैद्यकीय ...
मिळालेल्या माहितीनुसार, गाडी स्थानकावर उभी असताना प्रवासी डब्यांमध्ये चढत होते. त्याचवेळी गाडीच्या पाचव्या डब्यातून धूर येत असल्याचे काही स्थानिकांच्या निदर्शनास आले. सकाळी फिरायला बाहेर पडलेल्या नागरिकांनी धूर पाहताच तात्काळ आरडाओरडा करत इतरांना सावध केले. काही क्षणांतच धुराचे रूपांतर आगीत झाले आणि आगीच्या ज्वाळा संपूर्ण डब्यात वेगाने पसरल्या. त्यामुळे स्थानक परिसरात एकच गोंधळ उडाला.
View this post on Instagram
दरम्यान, आगीमुळे संबंधित डब्याचे मोठ्या प्रमाणात नुकसान झाले असून रेल्वे प्रशासनाने या घटनेची गंभीर दखल घेतली आहे. डब्याला नेमकी आग कशी लागली, शॉर्ट सर्किटचे कारण काय होते आणि सुरक्षाव्यवस्थेत काही त्रुटी होत्या का, याचा तपास आता सुरू करण्यात आला आहे. घटनास्थळावरील या भीषण आगीचा पहिला व्हिडीओ सध्या सोशल मीडियावर वेगाने व्हायरल होत असून, घटनेने प्रवाशांमध्ये भीतीचे वातावरण निर्माण झाले आहे.
