अबु धाबी : संयुक्त अरब अमिरातीची (UAE) राजधानी अबुधाबीमधून एक अत्यंत गंभीर आणि संवेदनशील घटना समोर आली आहे. यूएईच्या बरका अणुऊर्जा प्रकल्पाजवळील एका विद्युत जनरेटरवर ड्रोनद्वारे हल्ला करण्यात आल्याने परिसरात मोठी आग लागली. ही घटना अल-धाफ्रा परिसरात घडली असून, या घटनेनंतर संपूर्ण पश्चिम आशियात तणावाचे वातावरण निर्माण झाले आहे. सुदैवाने या घटनेत कोणतीही जीवितहानी झाली नाही तसेच अणुकिरणोत्सर्गाचा कोणताही धोका निर्माण झाला नसल्याची माहिती प्रशासनाकडून देण्यात आली आहे.
बिहार : बिहारमधील सासाराम जंक्शन रेल्वे स्थानकावर आज पहाटे एक मोठी दुर्घटना टळली. सासारामहून पाटण्याकडे जाणाऱ्या ५३२१२ क्रमांकाच्या सासाराम-पाटणा ...
यूएई प्रशासनाने या घटनेला दहशतवादी हल्ला घोषित केले असून, हा ड्रोन हल्ला देशाच्या पश्चिम सीमेकडून झाल्याचा प्राथमिक अंदाज व्यक्त करण्यात आला आहे. घटनेची माहिती मिळताच आपत्कालीन यंत्रणा आणि अग्निशमन दल तातडीने घटनास्थळी दाखल झाले. त्यांनी काही तासांच्या प्रयत्नांनंतर आग नियंत्रणात आणली. प्रशासनाच्या माहितीनुसार, आग फक्त बाहेरील विद्युत जनरेटरपुरती मर्यादित होती आणि अणुऊर्जा प्रकल्पाच्या मुख्य भागाला कोणतेही नुकसान झाले नाही.
बरका अणुऊर्जा प्रकल्प हा संयुक्त अरब अमिरातीचा एकमेव अणुऊर्जा प्रकल्प मानला जातो. देशाच्या ऊर्जा सुरक्षेसाठी हा प्रकल्प अत्यंत महत्त्वाचा असून, यूएईच्या वीज निर्मिती व्यवस्थेत त्याची मोठी भूमिका आहे. त्यामुळे या प्रकल्पाजवळ झालेल्या ड्रोन हल्ल्यामुळे जागतिक स्तरावर चिंता व्यक्त केली जात आहे. अबुधाबी मीडिया कार्यालयाने सोशल मीडिया प्लॅटफॉर्म ‘एक्स’वर माहिती देताना स्पष्ट केले की, किरणोत्सर्गाची पातळी पूर्णपणे सामान्य आहे आणि नागरिकांनी घाबरण्याचे कारण नाही.
नांदेड : NEET परीक्षेच्या पेपरफुटी प्रकरणाने देशभरात खळबळ उडालेली असतानाच आता महाराष्ट्रातील नांदेड शहर पुन्हा चर्चेत आले आहे. वैद्यकीय ...
या घटनेनंतर आंतरराष्ट्रीय अणुऊर्जा संस्था (IAEA) देखील सतर्क झाली आहे. आयएईएने म्हटले आहे की, बरका अणुऊर्जा प्रकल्पातील परिस्थिती सध्या पूर्णपणे नियंत्रणात आहे. संस्थेने यूएई प्रशासनाशी सातत्याने संपर्क ठेवला असून, आवश्यकतेनुसार सर्वतोपरी मदत करण्याची तयारी दर्शवली आहे. मात्र, अणुऊर्जा प्रकल्पांवर होणारे ड्रोन हल्ले ही अत्यंत धोकादायक बाब असल्याचे सांगत आयएईएने गंभीर चिंता व्यक्त केली आहे.
दरम्यान, या घटनेनंतर यूएईमधील सुरक्षा यंत्रणा पूर्णपणे सतर्क झाल्या आहेत. संवेदनशील भागांमध्ये अतिरिक्त पाळत ठेवण्यात येत असून, ड्रोन हालचालींवर विशेष लक्ष ठेवले जात आहे. मात्र, या हल्ल्यामागे नेमकी कोणती संघटना किंवा कोणता देश आहे, याबाबत यूएई प्रशासनाने अद्याप अधिकृत खुलासा केलेला नाही.
