कोल्हापूर : कोल्हापूरातील दुग्ध व्यवसायातील अग्रगण्य आणि ग्राहकांच्या विश्वासाला पात्र ठरलेल्या गोकुळ दूध संघाने दूध दरवाढीचा महत्त्वाचा निर्णय घेतला असून, याचा थेट परिणाम सर्वसामान्यांच्या खिशावर होणार आहे. वाढत्या उत्पादन खर्चामुळे गोकुळने गायीच्या दुधाच्या विक्री दरात वाढ करण्याची घोषणा केली आहे. त्यामुळे येत्या काही दिवसांत ग्राहकांना दूध खरेदीसाठी अधिक पैसे मोजावे लागणार आहेत.
गेल्या काही महिन्यांपासून इंधन दरवाढ, वाहतूक खर्च, पॅकेजिंग साहित्याच्या वाढलेल्या किमती तसेच दुधाच्या प्रक्रियेसाठी लागणाऱ्या खर्चात सातत्याने वाढ होत आहे. या पार्श्वभूमीवर गोकुळ प्रशासनाने दरवाढीचा निर्णय घेतल्याचे सांगितले आहे. कोल्हापूरमधील गोकुळ शिरगाव येथील प्रधान कार्यालयात झालेल्या महत्त्वाच्या बैठकीत हा निर्णय घेण्यात आला. प्रशासकीय अधिकारी मंडळाच्या मार्गदर्शनाखाली झालेल्या चर्चेनंतर गायीच्या दुधाच्या दरात प्रतिलिटर २ रुपयांनी वाढ करण्यावर शिक्कामोर्तब करण्यात आले.
मुंबई : देशाचा परकीय चलन साठा सुरक्षित ठेवण्यासाठी आणि मौल्यवान धातूंच्या वाढत्या आयातीवर नियंत्रण मिळवण्यासाठी केंद्र सरकारने मोठे पाऊल उचलले आहे. ...
गोकुळने जाहीर केलेली ही नवी दरवाढ येत्या २१ मेपासून लागू होणार आहे. विशेष म्हणजे ही वाढ केवळ कोल्हापुरापुरती मर्यादित नसून मुंबई, पुणे आणि कोकण विभागातील शहरांमध्येही लागू केली जाणार आहे. त्यामुळे या भागांतील ग्राहकांना २१ मेनंतर गायीचे दूध खरेदी करताना वाढीव दराचा सामना करावा लागणार आहे.
गोकुळ प्रशासनाच्या माहितीनुसार, दुधाचे संकलन, प्रक्रिया, वाहतूक आणि वितरण यासाठी होणारा खर्च मोठ्या प्रमाणात वाढला आहे. विशेषतः इंधनाचे वाढते दर, कच्च्या मालाचा वाढलेला खर्च आणि पॅकेजिंगवरील अतिरिक्त भार यामुळे दरवाढ अपरिहार्य झाली होती. त्यामुळे प्रतिलिटर २ रुपयांची वाढ करणे आवश्यक असल्याचे प्रशासनाने स्पष्ट केले आहे.
गडचिरोली : नक्षलवादी चळवळीचे समूळ उच्चाटन करण्यासाठी गडचिरोली पोलिसांनी राबविलेल्या 'ऑपरेशन अंतिम प्रहार' या मोहिमेला मोठे यश आले आहे. पोलिसांनी ...
दरम्यान, गोकुळपूर्वी अमूलनेही आपल्या दूध दरांमध्ये वाढ केली होती. गुजरात को-ऑपरेटिव्ह मिल्क मार्केटिंग फेडरेशनने अमूलच्या विविध दूध प्रकारांच्या दरात प्रतिलिटर २ रुपयांनी वाढ करण्याचा निर्णय घेतला होता. ही दरवाढ १४ मेपासून देशभरात लागू करण्यात आली आहे. अमूल गोल्ड, अमूल ताझा, अमूल शक्ती, टी-स्पेशल आणि स्लिम अँड ट्रिम या विविध दूध प्रकारांवर ही वाढ लागू करण्यात आली आहे. त्यामुळे आता अमूलनंतर गोकुळनेही दरवाढ जाहीर केल्याने सर्वसामान्यांच्या दैनंदिन खर्चात आणखी भर पडणार असल्याचे चित्र आहे.
