कल्याण: कल्याण पूर्व परिसरात पुन्हा एकदा टवाळखोरांची दहशत समोर आली आहे. गार्डनमध्ये बसून गप्पा मारत असलेल्या तरुण-तरुणीवर ४ ते ५ जणांच्या टोळक्याने अचानक हल्ला करत बेदम मारहाण केल्याची धक्कादायक घटना घडली आहे. या हल्ल्यात तरुणाच्या डोक्यात बिअरच्या बाटल्या फोडण्यात आल्या, तर त्याला वाचवण्यासाठी पुढे आलेल्या तरुणीलाही आरोपींनी लाथाबुक्क्यांनी मारहाण केली. या प्रकारामुळे परिसरात भीतीचे वातावरण निर्माण झाले असून कोळशेवाडी पोलिसांनी गुन्हा दाखल करून आरोपींचा शोध सुरू केला आहे.
अबुधाबी : पंतप्रधान नरेंद्र मोदी यांच्या यूएई दौऱ्यादरम्यान ७ महत्त्वाच्या विषयांवर सहमती झाली आहे. दोन्ही देशांमध्ये सामरिक संरक्षण भागीदारीच्या ...
मिळालेल्या माहितीनुसार, कल्याण पूर्वेत राहणारा तेजस चव्हाण हा जिम ट्रेनर असून रविवारी मध्यरात्रीच्या सुमारास तो आपल्या मैत्रिणीसोबत केडीएमसीच्या ड प्रभाग कार्यालयाच्या आवारातील उद्यानात बसला होता. दोघे गप्पा मारत असताना अचानक चार ते पाच तरुणांचे टोळके तेथे आले. सुरुवातीला त्यांनी तेजसच्या हातातील मोबाईल घेतला. मोबाईल घेऊन ते निघून जात असताना तेजसने त्यांना मोबाईल परत देण्यास सांगत विरोध केला. त्यानंतर संबंधित तरुणांनी मोबाईल परत केला आणि तेथून निघून गेले.
मात्र काही वेळानंतर हेच तरुण पुन्हा उद्यानात परत आले. त्यांनी तेजससोबत वाद घालण्यास सुरुवात केली आणि अचानक त्याच्यावर हल्ला चढवला. टोळक्याने तेजसला बेदम मारहाण करत त्याच्या डोक्यात बिअरच्या बाटल्या फोडल्या. या हल्ल्यात तेजस गंभीर जखमी झाला. दरम्यान, त्याच्यासोबत असलेल्या तरुणीने भांडण सोडवण्याचा प्रयत्न केला असता आरोपींनी तिलाही मारहाण केली. आरोपींनी तिच्यावर लाथाबुक्क्यांचा वर्षाव केल्याचे सांगितले जात आहे.
मुंबई (विशेष प्रतिनिधी) : अतिउष्णतेमुळे जमिनीतील ओलावा कमी होतो आणि झाडांवर ताण वाढतो. परिणामी, झाडांची मुळे कमकुवत होऊन जमिनीवरील पकड सैल पडण्याची ...
या घटनेनंतर जखमी तेजसला उपचारासाठी रुग्णालयात दाखल करण्यात आले असून त्याच्यावर उपचार सुरू आहेत. याप्रकरणी तेजस चव्हाण यांनी कोळशेवाडी पोलीस ठाण्यात तक्रार दाखल केली आहे. पोलिसांनी चार ते पाच अज्ञात आरोपींविरोधात गुन्हा नोंदवला असून परिसरातील सीसीटीव्ही फुटेजच्या आधारे आरोपींचा शोध सुरू केला आहे.
