Suryakumar Yadav : भारतीय क्रिकेट संघाचा टी-२० कर्णधार आणि मिस्टर ३६० म्हणून ओळखला जाणारा फलंदाज सूर्यकुमार यादव याच्या चाहत्यांसाठी आनंदाची बातमी समोर आली आहे. सूर्यकुमार आणि त्याची पत्नी देविशा शेट्टी यांच्या घरी गोंडशी मुलीचे आगमन झाले आहे. या आनंदाच्या बातमीमुळे क्रिकेट चाहत्यांमध्येही अनंदाचे वातावरण आहे.
सध्या सूर्यकुमार यादव आयपीएल २०२६ मध्ये मुंबई इंडियन्सकडून खेळत आहे. मात्र अलीकडेच तो संघासोबत रायपूरला गेला नसल्याची चर्चा होती. आता त्यामागचे कारण समोर आले आहे. पत्नीच्या प्रसूतीमुळे तो मुंबईत कुटुंबासोबत थांबला होता. ही गोड बातमी समोर येताच चाहत्यांनी आणि क्रिकेटविश्वाने या बातमीवर शुभेच्छांचा वर्षाव केला आहे.
View this post on Instagram
गुरुवारी सकाळी देविशा शेट्टीने एका गोंडस मुलीला जन्म दिला. सूर्यकुमार आणि देविशा यांची ओळख कॉलेजपासूनच आहे. दोघांनी २०१६ मध्ये विवाह केला होता. लग्नानंतर तब्बल दहा वर्षांनी त्यांच्या आयुष्यात पहिल्या बाळाचे आगमन झाले आहे. सूर्यकुमार अनेकदा आपल्या यशाचे श्रेय पत्नी देविशाला देत आला आहे. कठीण काळात तिने दिलेला आधार त्याच्यासाठी अत्यंत महत्त्वाचा असल्याचे त्याने कितेके मुलाखतीत सागंतले आहे.
दरम्यान, आयपीएल २०२६ मध्ये सूर्यकुमार यादव सध्या अपेक्षित फॉर्ममध्ये दिसत नाही. गेल्या काही महिन्यांपासून त्याला सातत्याने मोठी खेळी करता आलेली नाही. टी-२० विश्वचषकातही त्याने केवळ एका सामन्यात चांगली कामगिरी केली होती.मात्र आता घरात आलेल्या या नव्या पाहुणीच्या आगमनामुळे सूर्यकुमारच्या आयुष्यात आनंदाचे वातावरण आहे. या चिमुकलीच्या पायगुणाने त्याला पुन्हा एकदा मैदानावर जुन्या लयीत फलंदाजी करता येईल, अशी अपेक्षा चाहत्यांकडून व्यक्त केली जात आहे. क्रिकेटविश्वातूनही त्याच्यावर शुभेच्छांचा वर्षाव होत आहे.
