मुंबई : अभिनेता रितेश देशमुख दिग्दर्शित ‘राजा शिवाजी’ हा ऐतिहासिक चित्रपट सध्या बॉक्स ऑफिसवर अक्षरशः धुमाकूळ घालत आहे. हिंदी आणि मराठी या दोन्ही भाषांमध्ये प्रदर्शित झालेल्या या चित्रपटाला प्रेक्षकांचा जबरदस्त प्रतिसाद मिळत असून, आठवड्याच्या कामकाजाच्या दिवसांमध्येही चित्रपटाची कमाई स्थिर राहिल्याने निर्मात्यांचा उत्साह वाढला आहे. आता हा चित्रपट वेगाने 50 कोटींच्या क्लबकडे वाटचाल करत आहे.
भाजपा प्रदेश मुख्य प्रवक्ते नवनाथ बन यांची टीका मुंबई : पश्चिम बंगाल, आसाम आणि पुद्दुचेरीमध्ये भाजपाचा विजय झाल्यानंतर दिवा विझताना मोठा होतो तसा ...
‘राजा शिवाजी’ने प्रदर्शनाच्या पाचव्या दिवशी तब्बल 4.9 कोटी रुपयांची कमाई केली. यामध्ये हिंदी आवृत्तीमधून 15.5 कोटी तर मराठी आवृत्तीमधून 33.5 कोटी रुपयांचा गल्ला जमवण्यात चित्रपटाला यश आले आहे. त्यामुळे चित्रपटाची एकूण देशांतर्गत कमाई आता 44.40 कोटी रुपयांवर पोहोचली आहे. ऐतिहासिक पार्श्वभूमी, भव्य दृश्यरचना आणि दमदार अभिनयामुळे प्रेक्षकांकडून चित्रपटाचे कौतुक होत आहे.
या चित्रपटात जेनेलिया डिसूझा, संजय दत्त, विद्या बालन, अभिषेक बच्चन आणि भाग्यश्री यांच्याही प्रमुख भूमिका आहेत. कलाकारांच्या अभिनयासोबतच चित्रपटातील भव्यता आणि भावनिक कथानक प्रेक्षकांच्या पसंतीस उतरले आहे.
“दिल्लीपर्यंत आवाज जाईल” असा पोस्टरमधून इशारा, सुरक्षा यंत्रणा सतर्क शिमला : हिमाचल प्रदेशातील शिमला येथील तीन शाळांना धमक्या मिळाल्यानंतर आता आणखी ...
दरम्यान, साई पल्लवी आणि जुनैद खान यांचा ‘एक दिन’ हा चित्रपट बॉक्स ऑफिसवर अपेक्षित कामगिरी करण्यात अपयशी ठरताना दिसत आहे. या चित्रपटाने पाचव्या दिवशी केवळ 28 लाख रुपयांची कमाई केली असून, एकूण गल्ला 3.51 कोटी रुपयांपर्यंत मर्यादित राहिला आहे.तर दुसरीकडे अक्षय कुमारचा ‘भूत बंगला’ हा चित्रपटही प्रेक्षकांचे मनोरंजन करण्यात यशस्वी ठरत आहे. प्रदर्शनाच्या 19व्या दिवशी चित्रपटाने 22.5 कोटी रुपयांची कमाई केली असून, आतापर्यंतचा एकूण गल्ला 14.6 कोटी रुपयांवर पोहोचला आहे.
