मुंबई (विशेष प्रतिनिधी)
मुंबईत ज्या ठिकाणी नाले स्वच्छतेची कामे सुरू आहेत, त्या ठिकाणी सीसीटीव्ही कॅमेरे बसवावेत. तसेच, स्थानिक लोकप्रतिनिधींना नाले स्वच्छतेच्या कामांचे प्रत्यक्ष निरीक्षण करता यावे व प्रगतीची माहिती सुलभपणे उपलब्ध व्हावी, यासाठी आवश्यक सुविधा उपलब्ध करून द्याव्यात. पावसाळ्याच्या पार्श्वभूमीवर मुंबईतील नाले स्वच्छता मोहीम अधिक परिणामकारक व्हावी, यासाठी काटेकोर नियोजन व अंमलबजावणी वर विशेष भर द्यावा, असे विविध निर्देश महापौर रितू तावडे यांनी दिले. तसेच आवश्यक त्या ठिकाणी रोबोटिक यंत्रणेचा वापर करावा,असेही निर्देश दिले आहेत.
- अतिरिक्त् आयुक्त विपीन शर्मा यांनी घेतला प्रत्यक्ष ठिकाणी जावून आढावा मुंबई विशेष प्रतिनिधी पश्चिम उपनगरातील नागरिकांना दर्जेदार आणि ...
प्रारंभी, महापौर तावडे यांनी भांडुप (पूर्व) येथील उषा नगर नालेस्वच्छता कामाची पाहणी केली. उषा नगर नाल्यावरील मध्य रेल्वे रूळाखालील अंदाजे ३ मीटर रूंदीच्या चार पेटिका मोरीच्या स्वच्छतेचे जटील काम स्वयंचलित स्वींग लोडर या मशीनचा वापर करून करण्यात येत आहे. याबाबतची माहिती घेतल्यावर महापौर तावडे म्हणाल्या की, नाल्यास संरक्षक भिंत उभारून सुरक्षितता आणि दीर्घकालीन उपाययोजना सुनिश्चित करावी. आवश्यक त्या ठिकाणी रोबोटिक यंत्रणेचा वापर करावा.त्यानंतर, महापौर तावडे यांनी मुलुंड (पूर्व) येथील गव्हाणपाडा अग्निशमन केंद्राजवळील बाऊंड्री नाल्याची पाहणी केली. ४ मे २०२६ पर्यंत या नाल्यातून ३ हजार ३४१ मेट्रिक टन गाळ काढण्यात आला आहे. नाल्यांतील गाळ काढण्याच्या कामांना तातडीने गती देऊन ती सर्व कामे ३१ मे २०२६ पर्यंत पूर्ण करावीत, असे निर्देश महापौर तावडे यांनी यावेळी दिले.
नवी दिल्ली : इंडियन प्रीमिअर लीग २०२६मध्ये चेन्नई सुपर किंग्सने प्ले ऑफचे आव्हान कायम राखले. दिल्ली कॅपिटल्सविरुद्धच्या सामन्यात संजू सॅमसन याने मॅच ...
मुंबई : मुंबईतील बोगस जन्म मृत्यू प्रमाणपत्र प्रकरणी एसआयटी तपास करणार आहे. यासाठी मुंबई पोलिसांच्या गुन्हे शाखेचे विशेष तपास पथक (Special Investigation Team or SIT) ...
मुलुंडमध्ये ७५०० प्रकल्प बाधितांच्या सदनिका :
नालेस्वच्छतेसमवेतच महापौर रितू तावडे यांनी टी विभागातील टाटा कॉलनी नवीन विकास आराखडा रस्ता आणि मुलुंड (पूर्व) येथील पीएपी मार्ग येथील रस्ते काँक्रिटीकरण कामांची पाहणी केली. रस्ते कामांची गुणवत्ता, विविध उपयोगिता वाहिन्या, सुगम्य पदपथ, रस्त्यालगतची झाडे, पाणी निचरा होण्याची व्यवस्था याबाबत अभियंत्यांनी दक्ष राहावे. रस्ते कामे ३१ मे २०२६ पर्यंत पूर्ण करून वाहतुकीस खुले करावेत, असेदेखील निर्देश महापौर रितू तावडे यांनी दिले. महानगरपालिकेच्या वतीने मुलुंड (पूर्व) येथे प्रकल्पबाधितांसाठी ७ हजार ५०० सदनिकांच्या गृहप्रकल्पाचे बांधकाम सुरू आहे. या गृहप्रकल्पाला भेट देत महापौर तावडे यांनी सदनिकांची पाहणी केली. तसेच, हा गृहप्रकल्प कालमर्यादेत पूर्ण करून प्रकल्पबाधितांचे लवकरात लवकर पुनर्वसन करावे, अशी सूचना केली.
