Meta : मेटाचा न्यू मेक्सिकोत फेसबुक-इंस्टाग्राम सेवा बंद करण्याचा इशारा

सोशल मीडिया कंपनी मेटा ने इशारा दिला आहे की ती अमेरिकेतील न्यू मेक्सिको राज्यात आपल्या फेसबुक, इंस्टाग्राम आणि व्हॉट्सअॅप या प्लॅटफॉर्मवरील सेवा बंद करू शकते. हा इशारा एका मोठ्या कायदेशीर वादाच्या पार्श्वभूमीवर देण्यात आला आहे, ज्यामध्ये कंपनीवर मुलांच्या सुरक्षिततेबाबत गंभीर आरोप करण्यात आले आहेत.

रिपोर्टनुसार, एका ज्यूरीने मेटाला दोषी ठरवत तिच्यावर ३७५ दशलक्ष डॉलर्स (सुमारे ३००० कोटी रुपयांहून अधिक) दंड ठोठावला आहे. न्यायालयाने म्हटले की, कंपनीने वापरकर्त्यांना सुरक्षिततेबाबत दिशाभूल केली आणि तिच्या प्लॅटफॉर्मवर मुलांच्या शोषणासारख्या घटना घडू दिल्या. हा खटला आता दुसऱ्या टप्प्यात जाणार असून, त्याला ‘रिमेडीज फेज’ असे म्हटले जाते. या टप्प्याची सुनावणी ४ मेपासून सुरू होणार आहे. या दरम्यान मेटाने आपल्या प्लॅटफॉर्ममध्ये कोणते बदल करणे आवश्यक आहे, याचा निर्णय घेतला जाईल.

Pandharpur Corridor : पंढरपूर कॉरिडॉरला अखेर मंजुरी

- चार हजार कोटींच्या आराखड्याचा मार्ग मोकळा; १ ऑगस्टपर्यंत भूसंपादन पूर्ण करण्याचे निर्देश मुंबई : वारकऱ्यांचे श्रद्धास्थान असलेल्या पंढरपूर ...

मेटाचे म्हणणे आहे की सुचवलेले बदल व्यावहारिक नाहीत. कंपनीच्या मते, हे नियम लागू झाले तर न्यू मेक्सिकोसाठी वेगळी अॅप्सची आवृत्ती तयार करावी लागेल, जे अत्यंत गुंतागुंतीचे आणि खर्चिक ठरेल. कंपनीने असेही सांगितले की, इतके कठोर नियम लागू झाल्यास राज्यातून सेवा पूर्णपणे काढून घेण्याशिवाय त्यांच्याकडे पर्याय उरणार नाही.दुसरीकडे, न्यू मेक्सिकोचे अटॉर्नी जनरल राउल टोरेज यांनी या इशाऱ्याला ‘पब्लिक रिलेशन स्टंट’ असे म्हटले आहे. त्यांच्या मते, मेटाकडे आवश्यक सुरक्षा उपाय लागू करण्याची क्षमता आहे, पण कंपनी नफ्याला अधिक प्राधान्य देते.

Minister Ashish Shelar : 'उबाठा'ची साथ म्हणजे पराभवाची गॅरंटी

मंत्री आशिष शेलार यांचा टोला; तीन राज्यांतील विजयाबद्दल पंतप्रधान मोदी, गृहमंत्री शहा यांचे अभिनंदन मुंबई : "विधानसभा निवडणुकीच्या निकालांमधून ...

राज्य सरकारने काही कठोर नियमांची मागणी केली आहे. यात वयाची काटेकोर पडताळणी, हानिकारक कंटेंटवर नियंत्रण,इशारा लेबल्स आणि मुलांच्या शोषणाला आळा घालण्यासाठी कडक उपायांचा समावेश आहे. तसेच अल्पवयीनांसाठी एन्क्रिप्टेड मेसेजिंगवर मर्यादा आणणे आणि प्लॅटफॉर्मची स्वतंत्र देखरेख करण्याची मागणीही करण्यात आली आहे.मेटाने या प्रस्तावांची टीका करत म्हटले आहे की हे नियम केवळ एका कंपनीला लक्ष्य करतात, तर इतर अॅप्सकडे दुर्लक्ष केले जात आहे. तसेच, वापरकर्ते आपल्या इच्छेनुसार या प्लॅटफॉर्मचा वापर करतात, असेही कंपनीने स्पष्ट केले आहे.