महामुंबईब्रेकिंग न्यूजमहत्वाची बातमी

Extremely Severe Alert : मोबाईलवर ‘Extremely Severe Alert’! भारत सरकारची नवी आपत्ती सूचना प्रणाली चाचणी; जाणून घ्या नेमकं प्रकरण

May 2, 2026 12:20 PM

">या अलर्टमध्ये भारताने स्वदेशी तंत्रज्ञानाच्या मदतीने Cell Broadcast System सुरू केल्याची माहिती देण्यात आली. नैसर्गिक आपत्ती, भूकंप, पूर किंवा इतर आपत्कालीन परिस्थितीत नागरिकांना तात्काळ सूचना देण्यासाठी ही प्रणाली विकसित करण्यात आली आहे. या संदेशात स्पष्टपणे नमूद करण्यात आले होते की,

- हा फक्त चाचणी संदेश (Test Message) आहे - नागरिकांनी घाबरण्याची किंवा कोणतीही कृती करण्याची गरज नाही

ही प्रणाली इंटरनेटशिवायही थेट मोबाईल नेटवर्कद्वारे अलर्ट पाठवू शकते, त्यामुळे दुर्गम भागातही वेळेवर सूचना पोहोचवणे शक्य होणार आहे. तज्ज्ञांच्या मते, अशा प्रकारची ‘Cell Broadcast’ तंत्रज्ञान प्रणाली अनेक प्रगत देशांमध्ये आधीपासूनच वापरात आहे. आता भारतातही ही सुविधा सुरू होत असल्याने आपत्ती व्यवस्थापन अधिक मजबूत होण्याची अपेक्षा व्यक्त केली जात आहे.

 

View this post on Instagram

 

A post shared by Prahaar Newsline (@prahaarnewsline)

दरम्यान, अचानक आलेल्या या अलर्टमुळे अनेक नागरिक सोशल मीडियावर प्रतिक्रिया देताना दिसले. काहींनी याला “नवीन आणि उपयुक्त पाऊल” म्हटले, तर काहींनी सुरुवातीला घाबरल्याचेही सांगितले.

सरकारकडून अशा प्रकारच्या चाचण्या पुढेही केल्या जाण्याची शक्यता असून, नागरिकांनी घाबरून न जाता अधिकृत सूचनांकडे लक्ष द्यावे, असे आवाहन करण्यात आले आहे.