HSC Results 2026 : बारावीचा निकाल काही तासांवर; जाणून घ्या निकाल कुठे आणि कसा पाहता येणार?

मुंबई : महाराष्ट्र राज्यातील इयत्ता बारावी (HSC) परीक्षेचा २०२६ चा निकाल उद्या म्हणजेच शनिवार २ मे रोजी जाहीर होणार आहे. सकाळी ११ वाजता महाराष्ट्र राज्य माध्यमिक व उच्च माध्यमिक शिक्षण मंडळाची पत्रकार परिषद पार पडेल, त्यानंतर दुपारी १ वाजल्यापासून विद्यार्थ्यांना ऑनलाईन निकाल पाहता येणार आहे.

मंडळाने दिलेल्या अधिकृत माहितीनुसार, विद्यार्थी आपला निकाल mahresult.nic.in, mahahsscboard.in आणि इतर अधिकृत संकेतस्थळांवर तपासू शकतात. निकाल पाहण्यासाठी सीट नंबर आणि आईचे नाव आवश्यक असेल. (HSC Results 2026)

Weather Update : पुढील ४८ तास अतिशय महत्त्वाचे! उष्णतेतून दिलासा, पण अवकाळीचं नवं संकट दारात; IMDचा हाय अलर्ट

मुंबई : राज्यात सध्या उष्णतेचा कडाका शिगेला पोहोचला असून विशेषतः विदर्भात परिस्थिती गंभीर बनली आहे. अनेक जिल्ह्यांमध्ये तापमान ४५ अंश सेल्सिअसच्या ...

निकाल पाहण्यासाठी प्रमुख संकेतस्थळे:

results.digilocker.gov.in mahahsscboard.in hscresult.mkcl.org

निकाल जाहीर झाल्यानंतर विद्यार्थ्यांना विषयनिहाय गुण ऑनलाईन पाहता येतील तसेच त्याचा प्रिंटआउटही काढता येईल. याशिवाय Digilocker App मध्ये डिजिटल गुणपत्रिका जतन करण्याची सुविधाही उपलब्ध आहे. महाविद्यालयांनाही त्यांच्या कनिष्ठ महाविद्यालयाचा एकत्रित निकाल मंडळाच्या संकेतस्थळावर मिळणार आहे. (HSC Results 2026)

गुणपडताळणी व पुनर्मूल्यांकनाची सुविधा :

ज्या विद्यार्थ्यांना आपल्या गुणांबाबत शंका असेल, त्यांच्यासाठी गुणपडताळणी, उत्तरपत्रिकेच्या छायाप्रती आणि पुनर्मूल्यांकनाची प्रक्रिया ऑनलाईन उपलब्ध करून देण्यात आली आहे. यासाठी ३ मे ते १७ मे २०२६ दरम्यान अधिकृत संकेतस्थळावर अर्ज करता येणार आहे. (HSC Results 2026)

Rajnath Singh : पाकिस्तानविरुद्ध दीर्घ लढ्यास भारत तयार – राजनाथ सिंह

नवी दिल्ली : भारताने ऑपरेशन सिंदूर हे आपल्या अटींवर स्वेच्छेने थांबवले होते आणि गरज पडल्यास पाकिस्तान विरुद्ध दीर्घकालीन लढ्यासाठी पूर्णपणे तयार ...

पुनर्मूल्यांकनासाठी अर्ज करण्यापूर्वी उत्तरपत्रिकेची छायाप्रत घेणे अनिवार्य आहे. छायाप्रत मिळाल्यानंतर ५ कामकाजाच्या दिवसांत संबंधित विभागीय मंडळाकडे ऑनलाईन अर्ज करावा लागणार आहे. शुल्क Debit Card, Credit Card, UPI किंवा Net Bankingद्वारे भरता येईल. (HSC Results 2026)

१४ लाखांहून अधिक विद्यार्थ्यांची प्रतीक्षा संपणार :

यंदा सुमारे १४ लाखांपेक्षा जास्त विद्यार्थ्यांनी बारावीची परीक्षा दिली असून निकाल प्रक्रिया अंतिम टप्प्यात आहे. निकालानंतर विद्यार्थ्यांना पुढील शिक्षण व प्रवेश प्रक्रियेसाठी गुणपत्रिका अत्यंत महत्त्वाची ठरणार आहे. (HSC Results 2026)

एकूणच, उद्या दुपारी १ वाजता राज्यभरातील लाखो विद्यार्थ्यांच्या भवितव्याचा महत्त्वाचा टप्पा स्पष्ट होणार आहे. त्यामुळे विद्यार्थ्यांमध्ये उत्सुकता आणि तणाव दोन्हीही शिगेला पोहोचले आहेत. (HSC Results 2026)