नाशिक : अशोक खरातचे प्रकरण हे अधिक गुंतागुंतीचे होत चालले असून खरातच्या अडचणी वाढत चालल्या आहेत. आतापर्यंत त्याच्यावर तब्बल १९ गुन्हे दाखल झाले असून शेवटचा गुन्हा खरातच्या जवळच्या मित्रानेच केला आहे अशी माहिती आता समोर आली आहे.
जवळच्या मित्रानेच नोंदवली तक्रार
अशोक खरात प्रकरण मार्च महिन्यात बाहेर आले त्याच्यापाठोपाठ गुन्ह्यांची यादीच निघाली. खरातने अनेकांना मृत्यूची भीती दाखवून, कुटुंब उध्वस्थ करण्याची धमकी देऊन किंवा पैशाच- भरभराटीच आमिष दाखवून महत्वाचा मुद्दा म्हणजे महिलांचे लैंगिक शोषण यामुळे त्याने अनेकांना लाखोंचं गंडा घातला. या सगळ्यात आपल्या मित्राला देखील त्याने सोडले नाही.
मित्राला लाखोंचा गंडा
अशोक खरातने आपला सहकारी सीए ललित पोफळेला तब्बल ८ कोटी ७६ लाखांचा गंडा घातल्याचे समोर आले आहे. मित्राच्या आईबाबांच्या नशिबात मृत्यूचा योग्य आहे तो टाळण्यासाठी अवतार पूजा विधी करायला हव्यात त्यासाठी भरपूर खर्च येईल असे सांगून त्याने मित्राकडून तब्बल ८ कोटी उकळले.
खरातच्या इतर सर्व व्यवहारांमध्ये पोफळे आणि अशोक खरात भागीदार होते. पैसे उकलण्याच्या नादात त्याने स्वतःच्या भागीदारालाही सोडले नाही, अशी अनेक प्रकरण हळू हळू बाहेर येत असल्याने खरात प्रकरण अधिकच वाढत आहे.
