अमेरिकेसोबत होणाऱ्या महत्त्वाच्या शांतता चर्चेसाठी इराणचे ७१ सदस्यीय शिष्टमंडळ शुक्रवारी (१० एप्रिल) उशिरा पाकिस्तानची राजधानी इस्लामाबादमध्ये दाखल झाले. इराणच्या वृत्तसंस्थेनुसार, या शिष्टमंडळात वाटाघाटी करणाऱ्यांसोबतच तज्ज्ञ सल्लागार, राजनयिक, सुरक्षा अधिकारी आणि माध्यम प्रतिनिधींचाही समावेश आहे. या टीमचे नेतृत्व इराणी संसदेचे अध्यक्ष मोहम्मद बागेर गालिबाफ करत आहेत.
‘मिनाब-१६८’ विमानाने इराणी शिष्टमंडळाचे आगमन :
इस्लामाबादमध्ये दाखल झालेले इराणचे शिष्टमंडळ ‘मिनाब-१६८’ या विशेष विमानाने आले. वृत्तानुसार, इराणमधील मिनाब शहरातील मुलींच्या शाळेवर झालेल्या हल्ल्याच्या स्मरणार्थ या विमानाला हे नाव देण्यात आले आहे. २८ फेब्रुवारी रोजी अमेरिकेकडून झालेल्या क्षेपणास्त्र हल्ल्यात ही शाळा उद्ध्वस्त झाली होती आणि त्यात अनेक निरपराध मुलांचा मृत्यू झाला होता. अमेरिकन तपास यंत्रणांना हा हल्ला चुकून अमेरिकन सैन्याकडून झाला असावा, अशी शक्यता वाटत असून, संरक्षण सचिव पीट हेगसेथ यांनी या प्रकरणाची चौकशी सुरू असल्याचे स्पष्ट केले आहे. या हल्ल्याची पुन्हा एकदा आठवण करून देत इराण शांतता चर्चेसाठी पाकिस्तानात पोहोचले आहे.
अमेरिका आणि इराण (Iran-US-Israel War) यांच्यात दोन आठवड्यांच्या युद्धविरामानंतर इस्त्रायलचे पंतप्रधान बेंजामिन नेतन्याहू यांनी त्यांच्या पहिल्या माध्यमांशी ...
इराणचा अमेरिकेवर अविश्वास कायम :
चर्चा निर्णायक ठरणार ? पाकिस्तानचा मोठा दावा :
चर्चेपूर्वी ट्रम्प यांची इराणला थेट धमकी :
दरम्यान, अमेरिकेचे राष्ट्राध्यक्ष डोनाल्ड ट्रम्प यांनी चर्चेपूर्वीच इराणवर निशाणा साधला. त्यांनी म्हटले की, सागरी मार्गांवर तात्पुरता दबाव आणण्याशिवाय इराणकडे कोणतेही प्रभावी दबावतंत्र नाही. ट्रम्प यांनी यापूर्वी होर्मुझ सामुद्रधुनीवरून इराणवर कारवाई करण्याची धमकीही दिली होती. “इराणकडे कोणतेही मजबूत पर्याय नाहीत, त्यामुळे त्यांना वाटाघाटींचाच मार्ग स्वीकारावा लागेल,” असे त्यांनी सोशल मीडियावर म्हटले.
