मुंबई : धुरंधर २ सिनेमानं जगभरात धुमाकूळ घातला. या सिनेमानं बॉक्स ऑफिसवर १००० कोटींची कमाई केली. या सिनेमात तिनं रणवीर सिंहने (Ranveer Singh) साकारलेल्या हमजा अली मझारी या भारतीय गुप्तहेराच्या बायकोची जबरदस्त भूमिका साकारली. सारानं साकारलेल्या या भूमिकेनं प्रेक्षकांची मने जिंकली असून सारा अर्जूनला विशेष प्रसिद्धी मिळाली.
यानंतर आता साराला एक मोठा प्रोजेक्ट मिळाला आहे. पाकिस्तानी मुलीची भूमिका साकारल्यानंतर सारा अर्जून आता बॉलिवूडची दिग्गज अभिनेत्री मधुबालाच्या भूमिकेत झळकणार असल्याची माहिती आहे. मिळालेल्या माहितीनुसार, दिग्दर्शक जसमीत के रीन हे एका मोठ्या प्रोजेक्टवर काम करत असून, या सिनेमाची निर्मिती संजय लीला भन्साळी करणार असल्याची माहिती आहे.
माहितीनुसार जसमीत यांचा आगामी सिनेमा सध्या प्री - प्रॉडक्शनमध्ये आहे. या वर्षी चित्रीकरणाला सुरुवात होण्याची शक्यता असून या सिनेमातून हिंदी सिनेसृष्टीतील गोल्डन एरा दाखवण्यात येणार आहे. या सिनेमातून सारा अर्जूनला मधुबालांसारख्या दिग्गज अभिनेत्रीची भूमिका साकारण्याची संधी मिळणार आहे.
सारासाठी निश्चितच ही एक सुवर्णसंधी आणि मोठे आव्हान ठरणार आहे. रिपोर्टनुसार, 'अष्टपैलू आणि सौंदर्याची खाण असलेली अभिनेत्री मधुबाला यांची भूमिका साकारण्यासाठी सारा अर्जूनला फिजिकल ट्रान्सफॉर्मेशन करावं लागेल. कॉस्ट्यूम डिटेलिंगपासून ट्रेनिंगपर्यंत, तसेच लूक टेस्टही द्यावं लागेल. निर्माते हा लूक अचूकपणे चित्रित करण्यासाठी कोणतीही कसर सोडत नाहीयेत'.
या सिनेमातून फिल्ममेकर्स मधुबाला यांना आदरांजली देणार असल्याचे म्हटले जात आहे. जसमीत रिन यांनी याआधी आलिया भट्ट आणि विजय वर्मा स्टारर डार्लिंग्स सिनेमाचं दिग्दर्शन केलं होतं. या सिनेमाला चांगला प्रतिसाद मिळाला होता. या सिनेमाला नेटफ्लिक्सवर भरपूर प्रतिसाद मिळाला.
अभिनेत्री मधुबाला यांनी १९५० ते १९६० चा काळ प्रचंड गाजवला. तिच्या दिखेचक अदा आणि सौंदर्यावर लाखो प्रेक्षक फिदा होते. त्या काळातील सर्वाधिक मानधन घेणारी पहिली अभिनेत्री मधुबाला ठरली होती. त्यांनी आपल्या कारकिर्दीत दोन दशकं ७० हून अधिक सिनेमांमध्ये काम केलं.
मुंबई : रणवीर सिंहच्या धुरंधर सिनेमानं जगभरात धुमाकूळ घातला असून सिनेमा रिलीज होऊन २१ दिवस उलटले असतानाही सिनेमागृहातील गर्दी कमी होण्याचं नाव घेत ...
मधुबाला यांनी आपल्या करिअरची सुरुवात बसंत या सिनेमातून केली. हा सिनेमा १९४२ रोजी रिलीज झाला होता. त्यांनी आपल्या करिअरची सुरुवात चाइल्ड अॅक्ट्रेस म्हणून केली होती. त्यांचा शेवटचा सिनेमा शराबी होता.
मधुबाला यांचा शेवटचा सिनेमा १९६४ रोजी रिलीज झाला होता. २३ फेब्रुवारी १९६९ रोजी मधुबालाचं निधन झालं. आता अभिनेत्री सारा अर्जूनला मधुबालाच्या भूमिकेत पाहण्यासाठी चाहत्यांची उत्सुकता प्रचंड वाढली आहे.
